सन्त निरंकारी मण्डल नेपालको ३४ औं वार्षिक साधारण सभा सम्पन्न
असोज १९, २०८०
१९ असोज २०८०, शुक्रबार
अध्यक्ष रावलले सन्त निरंकारी मिशनले सम्पूर्ण मानव प्राणी एक निराकार परमात्माका सन्तान मानेको बताउँदै सम्पूर्ण विश्वमा एक मात्र निराकार परमात्मा रहेको कुरामा जोड दिएका थिए । “यसले एकबाट अनेक भएर यस श्रृष्टिको संचालन गरिरहेको छ । यस एक परमात्मा ईश्वरलाई नजानेसम्म मानव जीवन सार्थक हुन सक्दैन । निराकार परमात्मालाई जान्नको लागि आध्यात्मिक शिक्षाको आवश्यकता पर्दछ । आध्यात्मिक शिक्षा नै भौतिक शिक्षाको पूरक हो । जबसम्म हामी आध्यात्मिक शिक्षालाई ग्रहण गर्दैनौ तबसम्म हामी जतिसुकै भौतिक शिक्षा हासिल किन नगरौं त्यो पूरा हुन सक्दैन, जीवन अपूरो नै रहन्छ । आत्माले जबसम्म परमात्मालाई जान्दैन तबसम्म हामीले आफूलाई शरीरको रुपमा मानेका हुन्छौ, मानव भएर हाम्रो कर्तव्य के हो, हाम्रो मूल स्वरुप कुन हो, वास्तविक ठेगाना कहाँ हो भन्ने कुरा हामीलाई थाह हुँदैन । हामी सबै ईश्वरका अंश हौं, यसको बोध समयको सत्गुरुबाट मात्र सम्भव छ र सत्गुरुले साक्षात्कार निराकारको दर्शन गराउन सक्नुहुन्छl” अध्यक्ष रावलले भने ।
”आज संसारमा सबैले आ–आफ्नो किसिमले भक्ति गरिरहेका छन् । हाम्रा पूर्वजहरुले पनि भक्ति गरेर जीवन बिताए । तर हामी भक्ति कसको गरिरहेका छौ त्यो कुरा हामीलाई थाह थिएन । आज गुरुले हामीलाई बोध गराउनुभयो कि हामी कसको भक्ति गरिरहेका छौ भनेर । भनिएको पनि छ जसको भक्ति जसको पूजा उसको ज्ञान जरुरी छ, भनिन्छ ‘हरदेव’ पहिले ईश्वरको पहिचान जरुरी छ । यसरी जबसम्म हामी ईश्वरलाई जान्दैनौ तबसम्म हामीले जतिसुकै भक्ति गरेपनि त्यो सार्थक हुन सक्दैन । यसैले आज निरंकारी मिशनमा सत्गुरुले मानवलाई आत्म बोध गराई राख्नु भएको छ । आत्मज्ञान हुनको लागि ब्रम्हज्ञानको आवश्यकता पर्दछ, यस ब्रम्हज्ञान बिना आत्मज्ञान सम्भव छैन । त्यस्तै जबसम्म हामीलाई ब्रम्हज्ञान प्राप्त हुँदैन तबसम्म हामीमा रहेका भ्रम–भ्रान्तिहरु पनि समाप्त हुँदैनन् । निरंकारी मिशनले कसैको धर्म होईन, भावनालाई परिवर्तन गराउने सन्देश दिन्छ । यसले कसैको धर्म–सस्कृति, रितिरिवाज, परम्परालाई मेटाउँदैन, न त कुनै धर्मको स्थापना गर्न खोजिरहेको छ । हामी जो ठाउँमा छौ, त्यही लोक परम्परा, संस्कृति रितिरिवाज, भेषभूषामा रहेर यस निराकार परमात्माको गुणगान गाइरहेका छौ । त्यस्तै जबसम्म हामी मानवको मानव प्यारो बन्न सक्दैनौ तबसम्म हाम्रो एकापसमा प्रेम हुन सक्दैन, एकत्व हुन सक्दैन, विश्वभाइचाराको भावना जागृत हुन सक्दैन । सारा संसारलाई चलाउने परमात्माका हामी सबै सन्तान हौ । जबसम्म हामीमा कोही आफ्नो–विरानो छैन, सबै हाम्रै परिवारका सदस्य हुन भन्ने भावनाको जागृति हामीमा हुँदैन तबसम्म संसारमा विश्वभाइचार स्थापना हुन नसक्ने धारणा उनले राखेका थिए ।
