पेट्रोलियम पदार्थको मूल्य फेरि बढ्यो
चैत २३, २०७८
२३ चैत्र २०७८
नेपाल आयल निगमले इन्धनको मूल्य फेरि बढाएको छ।आयल निगमले नोक्सानी बढेको भन्दै इन्धनको मूल्य बढाएको हो। निगमले बुधबारदेखि लागू हुने गरी पेट्रोल, डिजेल र मट्टितेलमा प्रतिलिटर ५-५ रूपैयाँले भाउ बढाएको हो।
नयाँ मूल्य अनुसार पेट्रोलको मूल्य प्रतिलिटर १६० रूपैयाँ तथा डिजेल र मट्टितेलको मूल्य १४३ रुपैयाँ पर्ने भएको छ।त्यस्तै खाना पकाउने ग्यासको मूल्य प्रतिसिलिण्डर २५ रुपैयाँ बढाएर १६ सय कायम गरिएको छ। यसअघि निगमले चैत २ गते पेट्रोलियम पदार्थको भाउ बढाएको थियो ।
