टेलिकमको ‘समर अफर’, भ्वाइस र डेटा सेवामा थपिए नयाँ सुविधा
![](https://smartakhabar.com/wp-content/uploads/2022/07/nt-1024x576.jpg)
स्मार्ट अखबार संवाददाता
५ साउन २०७९
![](https://smartakhabar.com/wp-content/uploads/2024/06/new-palika-jingle-rgb-1.jpg)
नेपाल टेलिकमले साउन १ देखि लागू गरेको ‘समर अफर’ मा नयाँ सुविधा थपिएकाे छ । कम्पनीले याे अफरअन्तर्गत भ्वाइस, डेटा र एसएमएसमा विभिन्न प्याक ल्याएकाे छ ।
![](https://smartakhabar.com/wp-content/uploads/2024/06/janahit_dengue-1.jpg)
नयाँ अफरका रुपमा जुनसुकै समयमा सबै नेटवर्कमा कल गर्न सकिने अलनेट २० मिनेट भ्वाइस प्याक र १०० मिनेट भ्वाइस प्याक उपलब्ध छ ।
![](https://smartakhabar.com/wp-content/uploads/2023/03/wlink_ad.gif)
२० मिनेट भ्वाइस प्याक रु. १५ मा उपलब्ध छ र एक दिनभर (२४ घण्टा) कल गर्न सकिन्छ भने १०० मिनेट भ्वाइस प्याक तीन दिनका लागि रु. ४९ मा उपलब्ध छ ।
![](https://smartakhabar.com/wp-content/uploads/2024/05/smart_link_80081.gif)
त्यसैगरी नयाँ अफरको रुपमा १ एमबीपीएस स्पिडको अनलिमिटेड डेटा एक दिन (२४ घण्टा) का लागि रु. ४९ मा उपलब्ध छ । यस अफरमा विभिन्न प्रकारका एसएमएस प्याकलाई पनि अपडेट गरिनुका साथै केही नयाँ अफर समेत थप गरिएको छ ।
![](https://smartakhabar.com/wp-content/uploads/2024/05/new-ad-smart-1.jpg)
अब सबै नेटवर्कमा रू. १५ मा १०० एसएमएस एक दिनका लागि उपलब्ध छ भने २०० एसएमएस तीन दिनका लागि रु. २९ र ३०० एसएमएस २८ दिनका लागि रु. ९८ मा पठाउन सकिने कम्पनीले जनाएकाे छ ।
![](https://smartakhabar.com/wp-content/uploads/2022/04/IMG_0199-scaled.jpeg)
![](https://smartakhabar.com/wp-content/uploads/2023/01/jayalaxmi-tiff.gif)
कर्पोरेट युजरका लागि उपलब्ध भइरहेको सीयूजी प्याकेजमा नयाँ रिसोर्स थप गरिएकाे छ भने सीयूजी अफरअन्तर्गत उही मूल्यमा पहिलेभन्दा ४ गुणासम्म बढी डेटा भोल्युम उपलब्ध गराइएको कम्पनीकाे भनाइ छ ।
सीयूजी १००० मा यसअघि १० जीबी डेटा प्रदान गर्दै आएकोमा अब ४० जीबी प्रदान गरिएको छ ।त्यस्तै सीयूजी १५०० मा २० जीबी डेटा प्रदान गर्दै आएकोमा अब ८० जीबी प्रदान गरिएको छ ।त्यसैगरी सबै नेटवर्कमा कल गर्न, डेटा चलाउन र एसएमएस पठाउन सकिने विभिन्न प्रकारको सुविधा समेत उपलब्ध छन् ।
पहिले उपलब्ध अधिकांश अफरहरुलाई अब उही मूल्यमा थप डेटा र भ्वाइसमा थप मिनेटसहित उपलब्ध गराइएको छ भने कतिपय अफरलाई परिमार्जन गरिएको छ ।
(टेकपाना बाट साभार)