नेकपा(माओवादी केन्द्र) भीरकोट सम्मानजनक गठबन्धनको पक्षमा
चैत २५, २०७८
स्मार्ट अखबार संवाददाता
२५ चैत्र २०७८
नेकपा (माओवादी केन्द्र )भीरकोट नगर कार्यसमितिको निर्वाचन विशेष विस्तारित बैठक नगरसमितिका अध्यक्ष मीन प्रसाद कोइरालाको अध्यक्षतामा सम्पन्न भएको छ।पार्टीका केन्द्रिय, प्रादेशिक , जिल्लास्तरीय र स्थानीय नेताहरूको उपस्थितिमा बसेको बैठकले केन्द्रिय परिपत्र अनुसार सम्मानजनक गठबन्धनलाई पहिलो प्राथमिकता दिने भएको छ। नेपाली कांग्रेसले सम्मानजनक गठबन्धन गरेमा सघाउने तर नेपाली कांग्रेस इमानदारीपूर्वक प्रस्तुत नभएमा भीरकोटका अन्य राजनैतिक दल, लब्धप्रतिष्ठित सामाजिक ब्यक्तित्व र स्वतन्त्र ब्यक्तित्वहरुसंँग गठबन्धन वा कार्यगत एकता गर्ने र निर्वाचनको अवसरलाई सदुपयोग गर्ने निर्णय गरेको छ।
बैठकलाई निर्देशन गर्न र पार्टी केन्द्रको सर्कुलरबाट भीरकोट नेतृत्वलाई सुसूचितगर्न केन्द्रिय कमिटी सदस्य तथा स्याङ्जा इन्चार्ज शैलेन्द्र घिमिरे , जिल्ला संयोजक प्रकाश न्यौपाने , प्रदेश कमिटी सदस्य दिपा भुषाल र नारायण लम्साल उपस्थित हुनुभएको थियो।विस्तारित बैठकमा नगरसमितिका सदस्यहरु र वार्ड समितिका अध्यक्षहरुको उपस्थिति रहेको थियो।
बैठकमा सहभागी एक सदस्यका अनुसार बैठकले नगर समिती अध्यक्ष मीन प्रसाद कोइरालाको नेतृत्वमा आसन्न निर्वाचनमा जाने निर्णय गरेको छ।
नगरप्रमुखमा मीन प्रसाद कोइराला, उपप्रमुखमा शान्ती गुरुङ र रेखा बसेललाई सिफारिस गरिएको छ। वार्ड न १ मा पारस सेन, २ मा दिपक कार्की र भुवन मल्ल, ३ मा कमल खत्री र मुक्त मास्की , ४ मा रमेश ढुङ्गाना र डासीनारायण ढुङ्गाना , ५ मा पदमपानी अर्याल र चोक बहादुर शेन,६ मा कृष्ण कुमारी थापा, अमर बहादुर रोका र मन्जली बस्याल, ७ मा बाल कृष्ण भण्डारी र नारायण बसेल याम बहादुर कामी ,८ मा राजेन्द्र गुरुङ , चेतमान गुरुङ र तिल बहादुर गुरुङ , ९ मा देब बहादुर सार्कीले वडा अध्यक्षमा चुनाव लड्ने इच्छा ब्यक्त गर्नुभएको थियो।
पार्टी केन्द्रको निर्देशन अनुसार गठबन्धन गर्ने र अन्य राजनैतिक दलसँग सहकार्य गर्ने, आकांक्षी मध्येबाट उमेदवारको टुंगो लगाउने अख्तियारी भने बैठकले अध्यक्ष मीन प्रसाद कोइराला, उपाध्यक्ष रेखा बसेल र सचिब रमेश ढुङ्गानालाई प्रदान गरेको छ।
बैठकलाई निर्देशन गर्दै प्रशिक्षणको क्रममा नेता शैलेन्द्र घिमिरे तथा प्रकाश न्यौपानेले सकेसम्म पार्टी केंद्रको निर्देशनलाई पालना गर्दै गठबन्धनका दलसँग वार्ता र छलफल गर्दै सहमतिमा उमेदवारको टुंगो लगाउन र सहमति नभए एकल प्रतिस्पर्धामा उभिएर आफ्नो मत को रक्षा गर्न निर्देशन गर्नुभएको थियो। उहाँहरूले स्थानीय चुनावमा तालमेल र सहकार्यको अख्तियारी र जिम्मेवारी नगर कार्यसमितिलाई प्रदान गरिएको हुँदा आफ्नै अनुकुलतामा अगाडि बढ्न निर्देशन दिनु भएको थियो।
