होली विशेष मैत्रीपूर्ण फुटबलमा मर्दीखोला युनाइटेड विजयी
![](https://smartakhabar.com/wp-content/uploads/2022/03/sisauf-1.jpg)
०३ चैत्र २०७८
![](https://smartakhabar.com/wp-content/uploads/2024/06/new-palika-jingle-rgb-1.jpg)
होली विशेष मैत्रीपूर्ण फुटबल प्रतियोगितामा मर्दीखोला युनाइटेड क्लब, पर्वत विजयी भएको छ । बयरघारी फुटबल एकेडेमी, स्याङ्जा र मर्दीखोला युनाइटेड क्लब, पर्वतबीच भएको सेभेन ए साइड मैत्रीपूर्ण फुटबल प्रतियोगिताका तीन वटै खेलमा मर्दीखोला युनाइटेड क्लब विजयी भएको हो । निर्माणाधिन भीरकोट खेलमैदानमा सम्पन्न भएको टिम ए बीचको पहिलो खेल बराबरीमा टुङ्गीए पनि ट्राइबेकरमा मर्दीखोला युनाइटेडले बयरघारी फुटबल एकेडेमीलाई २-१ गोलेले पराजित गरेको थियो । यसैगरी टिम बी बीच भएको दोस्रो खेलमा पनि मार्दीखोला युनाइटेडले बयरघारी फुटबल एकेडेमीलाई २-० ले पराजित गरेको छ।सि टिम बीच भएको अर्को मैत्रीपूर्ण खेलको नतिजा पनि मर्दीखोला युनाइटेडकै पोल्टामा परेको छ । तेस्रो खेलमा मर्दीखोला युनाइटेड १-० ले विजयी भएको हो ।
![](https://smartakhabar.com/wp-content/uploads/2024/06/janahit_dengue-1.jpg)
बयरघारी फुटबल एकेडेमीको आयोजनामा सम्पन्न भएको खेलमा वेस्ट प्लेयरको उपाधी दिपेश काफ्लेले प्राप्त गर्नुभएको थियो भने वेस्ट फरवार्डको उपाधी प्रीजेन थापाले प्राप्त गर्नुभएको थियो । मैत्रीपूर्ण खेलमा वेस्ट डिफेन्डरको उपाधी दिप्सन के.सी. ले हात पार्न सफल हुनुभएको भएका थियो भने वेस्ट गोलकिपरको उपाधि बिजेन बस्यालले हात पार्नुभएको थियो । खेलको संयोजन एन्फा रेफ्री सुशील श्रेष्ठ र दल बहादुर थापाले गर्नुभएको थियो ।
![](https://smartakhabar.com/wp-content/uploads/2023/03/wlink_ad.gif)
बयरघारी फुटबल एकेडेमीका अध्यक्ष राजकुमार गुरुङको अध्यक्षता र नगरप्रमुख छायाराम खनालको आतिथ्यतामा सम्पन्न भएको समुद्घाटन समारोहमा नगर उपप्रमुख सिमा केसी कर्माचार्य, प्रमुख प्रशासकीय अधिकृत खुमलाल भुसाल, नेपाली काङ्ग्रेस भीरकोट नगर सभापती यामप्रसाद अधिकारी, भीरकोट उद्योग वाणिज्य संघका अध्यक्ष जगदीशप्रसाद कोइराला र खेलप्रेमी महानुभावहरूको उपस्थिति थियो ।
![](https://smartakhabar.com/wp-content/uploads/2024/05/smart_link_80081.gif)
समापन तथा पुरस्कार वितरण समारोहमा बोल्दै नगरप्रमुख खनालले खेलकुदको विकास र भीरकोट खेलमैदानको स्तरोन्नतिमा नगरपालिकाले सक्दो प्रयास गर्ने बताउनुभयो । खेलकुदको विकासका लागि खेलाडीहरू र क्लबहरूसँग नगरपालिका सहकार्य गर्न सदैव तयार रहेको बताउँदै उहाँले सफलतापूर्वक मैत्रीपूर्ण खेल सम्पन्न गरेकोमा बयरघारी फुटबल एकेडेमीलाई नगद रू ५० हजार प्रोत्साहन रकम दिने घोषणा गर्नुभएको थियो ।
![](https://smartakhabar.com/wp-content/uploads/2024/05/new-ad-smart-1.jpg)