१८ वर्षीय मोहम्मद साजिदले गरे कुरान कण्ठ
![](https://smartakhabar.com/wp-content/uploads/2023/08/365064559_682020097111892_3484178163671332479_n-768x1024.jpg)
नारायण प्रसाद कोइराला
![](https://smartakhabar.com/wp-content/uploads/2024/06/new-palika-jingle-rgb-1.jpg)
२१ साउन २०८०, आइतबार
![](https://smartakhabar.com/wp-content/uploads/2024/06/janahit_dengue-1.jpg)
स्याङजा जिल्ला भीरकोट नगरपालिकाका मोहम्मद साजिद मियाँले इस्लाम धर्मवालम्बीहरूको पवित्र किताब कुरानको पुरै ३० अध्याय (पारा) कण्ठ पारेका छन् l बसिर दिन मियाँ र जौरन निशाको कान्छो छोरा मोहम्मद साजिद मियाँले १८ वर्षको उमेरमा पवित्र धर्मग्रन्थ कुरान कण्ठ गरेका हुन् l वडा नं २ उपल्लोगाउ साउथर निवासी साजिदको धार्मिक सफलता भीरकोटका मुस्लिम समुदायले हर्षोल्लासका साथ मनाएका छन् l
![](https://smartakhabar.com/wp-content/uploads/2023/03/wlink_ad.gif)
शनिवार साजिदलाई खादा मालाका साथ पैदल र्याली गरी बयरघारी बजार परिक्रमा गराइ एक औपचारिक कार्यक्रममा सम्मान समेत गरिएको थियो l कार्यक्रममा मदर्साका मास्टर हाफिज व कारी अब्दुर रहिम र साजिदलाई सम्मान गरीएको थियो। “ जश्ने ईद मिलादुन्ननवि रस्मे खतमे कुराअने पाक” कार्यक्रमको अध्यक्षता ईदारा व्यवस्थापनका अध्यक्ष महमद मियाले गरेका थिए भने भने विशिष्ट अतिथिमा स्याङ्जा जिल्लाका मुस्लिम वस्तिका इमामहरू , इस्लाम धर्मका धर्म गुरुहरू हाफिज, आलीम, मौलानाहरू, वडा प्रहरी कार्यालय वालिंगका डिएसपी मोहम्मद इक़बाल र हाजी हजीनहरू , मुस्लिम दाजुभाई दिदिबहिनीहरूको उल्लेखनीय उपस्थित रहेको थियो।
बयरघारी मस्जिदका इमाम मोहम्मद युसुफ मियाँले कुरान पढी कार्यक्रम सुरू गरेका थिए भने हाजी जब्बर अलि मियाँ र हाफिज शकिल खानले कार्यक्रम संचालन गरेका थिए । कार्यक्रममा अतिथीहरूले इस्लाम धर्मको महत्त्व र विशिष्टताको बारेमा बोलेका थिए l इदारा व्यवस्थापन समितिका अध्यक्षले स्याङजा जिल्लामा बसोबास गर्ने जेहनदार विद्यार्थीहरूलाई बयारघारीको इदारामा भर्ना हुन हार्दिक अनुरोध गरेका थिए।
![](https://smartakhabar.com/wp-content/uploads/2024/05/smart_link_80081.gif)
![](https://smartakhabar.com/wp-content/uploads/2024/05/new-ad-smart-1.jpg)