निर्वाचन सौहार्दपुर्ण रुपमा सम्पन्न भएको भन्दै एमाले नगरकमिटिद्वारा आभार प्रकट
जेठ ०७, २०७९
स्मार्ट अखबार संवाददाता, वालिङ
७ जेष्ठ २०७९
नेकपा एमाले वालिङ नगर कमिटीले स्थानीय निर्वाचन सोहार्दपुर्ण रुपमा सम्पन्न भएको भन्दै आम मतदाता, कर्मचारी, सुरक्षा निकाय र पार्टीका सम्पूर्ण नेता तथा कार्यकर्तालाई आभार प्रकट गरेको छ । यही बैशाख ३० गते नगरका सबै मतदान स्थलहरुमा शान्तिपुर्ण रुपमा मतदान सम्पन्न भई जेष्ठ ५ गते सोहार्दपुर्ण रुपमा मतगणना समेत सम्पन्न भएको छ। निर्वाचनबाट ईतिहासमै पहिलो पटक वालिङ नगरमा नगरप्रमुख तथा ८ जना वडा अध्यक्षहरु, वडा सदस्यहरु विजयी भई समग्र नगरको भविष्यका रेखाहरु अझ प्रष्ट र गाढा बनाउने बाटोमा अग्रसर भएको भन्दै सम्पुर्णमा आभार व्यक्त गरिएको हो ।
नगर कमिटि अध्यक्ष शोभाकान्त पौडेल र सचिव यमकान्त खनालद्धारा हस्ताक्षरित आभारपत्रमा भनिएको छ, “निर्वाचित उम्मेदवारहरुले प्रमाणपत्र ग्रहण गरी सपथ समेत लिईसकेको भन्दै निर्वाचनमा खटिने पार्टीका शुभेच्छुक, कार्यकर्ता, नेता एवं आम मतदाताहरुलाई पार्टीको तर्फबाट आभार व्यक्त गर्दछौँ ।”
निर्वाचन अभियानमा सबै उम्मेदवार, उम्मेदवार प्रतिनिधि, निर्वाचनमा खटिने कर्मचारी, सुरक्षा संयन्त्रका कर्मचारी, मिडियाकर्मी, पर्यवेक्षकहरु तथा सम्पुर्णमा नेकपा एमाले निर्वाचन परिचालन कमिटि वालिङले आभार व्यक्त गरेको हो । निर्वाचन सम्पन्न भईसकेपछिको वर्तमान परिदृष्यमा अब नगरका हरेक काममा सम्बन्धीत सबै पक्षसंँग समन्वय गदै सदासयताका साथ अघि बढने समेत उक्त उक्त आभार पत्रमा उल्लेख गरिएको छ ।
