अपरिचित समूहद्वारा ब्याडमिन्टन कोर्टमा आगजनी तथा तोडफोड।
![](https://smartakhabar.com/wp-content/uploads/2021/09/feature-1-1024x536.jpg)
भाद्र १६, भीरकोट खबर डेस्क
![](https://smartakhabar.com/wp-content/uploads/2024/06/new-palika-jingle-rgb-1.jpg)
भीरकोट नगरपालिका वडा नं १ मा रहेको बसपार्कमा अवस्थित अस्थायी व्याडमिन्टन कोर्टमा आगजनी गरी नष्ट गर्ने प्रयास गरिएको छ । गए राती अज्ञात समूहले आगजनी तथा तोडफोडको प्रयास गरेको भए पनि अहिले बिहानमात्रै यस सम्बन्धमा जानकारी प्राप्त भएको आगजनी स्थलमा पुगेका व्याडमिन्टन खेलाडीले भीरकोट खबरलाई जानकारी दिनुभयो ।
![](https://smartakhabar.com/wp-content/uploads/2024/06/janahit_dengue-1.jpg)
व्याडमिन्टनको नेट, पोल, खानेपानीका जार र बारबेर गरिएको संरचनामा क्षती पुगेको बयरघारी व्याडमिन्टन क्लबका अध्यक्ष ढाकाराम खनालले जानकारी दिनुभयो । बसपार्क पूर्ण रूपमा संचालन हुन नसकेपछी व्याड्मिन्टन खेलप्रती चासो राख्ने युवाहरूले नगरपालिकासँग अनुमती लिएर अस्थायी संरचना निर्माण गरी नियमित रूपमा व्याडमिन्टन खेलको अभ्यास गर्दै आएका थिए । आगजनी र तोडफोडका विषयमा प्रहरीलाई जानकारी गराइसकिएको बयरघारी व्याडमिन्टन क्लबका अध्यक्ष खनालले जानकारी दिनुभयो ।