प्रेस युनियन स्याङ्जाको अध्यक्षमा बगाले निर्वाचित
जेठ २७, २०८०
२७ जेठ २०८०
नेपाल प्रेस युनियन स्याङ्जाको अध्यक्षमा तोलाकान्त बगाले निर्वाचित भएका छन्। प्रेस युनियन स्याङ्जाको नवौं अधिवेशन तथा साधारण सभाबाट बगालेको अध्यक्षमा १५ सदस्यीय नयाँ कार्य समिति निर्विरोध निर्वाचित भएको हो।
जिल्ला समन्वय समिती स्याङ्जामा भएको अधिवेशनबाट समितिको उपाध्यक्षमा साधना न्यौपाने र गोपिकृष्ण रेग्मी रहनुभएको छ । त्यस्तै सचिवमा शंकर सुवेदी , सहसचिवमा कल्याणी खाँण,र कोषाध्यक्षमा हिमाल न्यौपाने निर्वाचित भएका छ्न्।
अधिवेशनको अवसरमा प्रेस युनियनमा आवद्ध कृयाशील ६ जना पत्रकारहरूलाई सम्मान गरिएको छ।प्रेस युनियनका केन्द्रीय अध्यक्ष शिव लम्साल र स्याङ्जा पत्रकार समाजका अध्यक्ष इन्द्र रिजाललाई उत्कृष्ट पत्रकारिता पुरस्कारबाट सम्मानित गरिएको हो । प्रेस युनियन स्याङ्जाका निवर्तमान अध्यक्ष श्रीकृष्ण सिग्देललाई प्रेस युनियन पत्रकारिता पुरस्कार प्रदान गरिएको हो। खुमा अर्याल फाउण्डेसनद्वारा स्थापित कृषि पत्रकारिता पुरस्कारबाट हिमाल न्यौपाने, रुद्र जमुना शैक्षिक प्रतिस्ठानद्वारा स्थापित आर्थिक पुरस्कारबाट साधना न्यौपाने र प्रतिनिधि सभा सदस्य राजु थापाद्वारा स्थापित जोखिम पत्रकारिता पुरस्कारबाट रामप्रसाद भट्टराई पुरस्कृत भएका हुन्। पुरस्कारको राशि जनही ५ हजार र प्रमाणपत्र रहेको छ ।
