भीरकोटमा दुर्घटना न्युनीकरणको लागि विभिन्न ठाउँमा सूचना बोर्ड राखियो ।
चैत ११, २०७७
चैत ११, भीरकोट खबर डेस्क
स्याङ्जाको भीरकोट नगरपालिका बयरघारी बजार क्षेत्रमा सवारी दुर्घटना न्युनीकरणका लागि सूचना बोर्ड राखिएको छ । बढ्दो जनघनत्व संगै सवारी आवागमन पनि वढी हुन थालेकाले दुर्घटना हुन सक्ने सम्भावनालाई मध्यनजर गरि दुर्घटना न्युनीकरण गर्न विभिन्न सूचना मुलक बोर्ड राखिएको नगर प्रमुख छायाराम खनालले बताए । साथै नगर प्रमुख खनालले सवारी साधन जहाँ पायो त्यही रोक्दा यात्रुलाइ आवतजावत र बजार क्षेत्रका व्यवसायी समेतलाई समस्या परेकाले सवारी साधनलाई व्यवस्थीत पार्नको लागि नो-पार्किङ र पार्किङ बोर्डहरु राख्ने कामलाई निरन्तरता दिने बताउनु भयो ।
बुटवल र पोखरा जोड्ने सिदार्थ राजमार्गमा दिनहुँ ठुलो सङ्ख्यामा यातायातका साधनहरु गुड्ने भएकाले पार्किङलाई व्यवस्थीत बनाए संगै दुर्घटना कम हुने भएपछि स्थानीय हर्षित भएका छन् । दहथुम अस्थायी ट्राफिक पोस्ट भीरकोटको आयोजना र भीरकोट नगरपालिकाको सौजन्यमा उक्त सुचना मुलक बोर्ड सिद्धार्थ राजमार्गमा राखिएको दहथुम अस्थायी ट्राफिक पोस्टका प्रमुख तिलकराम बि.क.ले भीरकोट खबरलाई बताए । बिकका अनुसार नो पार्किङ्ग ९ वटा, गति सिमित २ वटा, सुचना मुलक बोर्ड १ वटा गरी १२ वटा सुचना मुलक बोर्ड राखिएको बताए ।
सुचना बोर्ड राख्ने कार्यक्रममा नगर उप-प्रमुख सिमा केसी कर्माचार्य, नगर प्रवक्ता दिपेन्द्र केसी, भीरकोट उद्योग वाणिज्य संघका अध्यक्ष भक्त वहादुर केसी, संघका बरिष्ठ उपाधक्ष्य जगदिश कोइराला, सदस्य ढाकाराम खनाल लगायतले सवारी साधनहरुले विभिन्न ठाउँमा राखिएका सूचना एंव अनुरोधहरुको सहि रुपमा पालना गरी आफु पनि बाचौं अरुलाई पनि वचाँऊ भन्ने भावना राख्न आग्रह गरेका थिए।
