विपि जयन्तीको अवसरमा अन्तरक्रिया एवं सिर्जना वाचन
![](https://smartakhabar.com/wp-content/uploads/2023/07/received_677424443740687-1024x461.jpeg)
स्मार्ट संवाददाता, वालिङ
६ साउन २०८०
![](https://smartakhabar.com/wp-content/uploads/2023/06/smart-link_sano.gif)
![](https://smartakhabar.com/wp-content/uploads/2024/06/new-palika-jingle-rgb-1.jpg)
बहुआयामिक व्यक्तित्व विश्वेश्वरप्रसाद कोइरालाको ४१ औं स्मृति दिवसको अवसरमा विपि विशेष अन्तरक्रिया एवं सिर्जना वाचन गरिएको छ। नेपाली लेखक संघ, स्याङ्जाको आयोजनामा “विश्वेश्वरप्रसाद कोइरालाको साहित्यिक तथा राजनैतिक विचार” विषयक अन्तरक्रियासङ्गै सिर्जना वाचन समारोह शनिबारका मिर्दीस्थित नेचुरल भ्यु प्वाइन्ट रेष्टुरेन्टको हलमा सम्पन्न भएको हो।
![](https://smartakhabar.com/wp-content/uploads/2024/06/janahit_dengue-1.jpg)
नेपाली लेखक संघ, स्याङ्जाका अध्यक्ष मिलन समीरद्वारा संयोजन गरिएको उक्त समारोहमा साहित्यकारहरू सजिना खातुन, दिलीप तिवारी, पारिश्वर न्यौपाने, लोकहरि पाण्डेय क्षितिज, खगेन्द्र अर्याल, हरिप्रसाद पङ्गेनी, शम्भु अर्याल, सीताराम अधिकारी, बोधराज न्यौपाने, कमलप्रसाद बगाले आफ्ना उत्कृष्ट कविता र लघुकथा वाचन गरेका थिए।
![](https://smartakhabar.com/wp-content/uploads/2023/03/wlink_ad.gif)
जगत्रदेवी साहित्य संगम, गल्याङ, स्याङ्जाका अध्यक्ष कवि नारायणप्रसाद ज्ञवाली र प्रगतिशील लेखक संघ, स्याङ्जाका उपाध्यक्ष कवि अनन्त अर्यालले ” विश्वेश्वरप्रसाद कोइरालाको साहित्यिक विचार ” को बारेमा आ आफ्नो विचार राखेका थिए। साहित्यकार ध्रुवप्रसाद शर्मा पङ्गेनी र समाजसेवी मुक्तिप्रसाद सुवेदीले ” विश्वेश्वरप्रसाद कोइरालाको राजनैतिक विचार ” को बारेमा आ आफ्नो गहन विचार प्रस्तुत गरेका थिए।
समारोहमा गोविन्द तिवारी, राजकुमार उपाध्याय, मातृका अर्याल र श्यामप्रसाद ढुंगाना लगायतका साहित्यप्रेमी महानुभावहरुको उपस्थिति रहेको थियोे ।
![](https://smartakhabar.com/wp-content/uploads/2024/05/smart_link_80081.gif)