जनताप्रति उत्तरदायी बन्दै स्थानीय सरकार
![](https://smartakhabar.com/wp-content/uploads/2022/05/ambulance-nepal-image-2020.jpg)
स्मार्ट अखबार संवाददाता
१० वैशाख २०७९
![](https://smartakhabar.com/wp-content/uploads/2024/06/new-palika-jingle-rgb-1.jpg)
स्थानीय निर्वाचन २०७९ सफलतापूर्वक सम्पन्न भएपछि पदभार ग्रहण गरेका नवनिर्वाचित जनप्रतिनिधिहरूले जनकल्याणकारी निर्णयहरू गर्न थालेका छ्न्। स्याङ्जाका स्थानीय सरकारहरूले सडक स्तरोन्नति , स्वास्थ्य संस्थाको स्तरोन्नति , इन्डक्सन चुल्हो वितरण , दलित तथा विपन्न वर्गलाई छात्रावृत्ति वितरण लगायतका निर्णयहरू गरेका छ्न्।
![](https://smartakhabar.com/wp-content/uploads/2024/06/janahit_dengue-1.jpg)
![](https://smartakhabar.com/wp-content/uploads/2022/05/received_4881854321926239.jpeg)
स्थानीय सरकारको सबैभन्दा तल्लो तह वडा कार्यालयहरूले समेत जनउत्तरदायी हुँदै कल्याणकारी निर्णयहरू गर्न थालेका छ्न्। यसैबिच भीरकोट नगरपालिकाको वडा नं १ को कार्यालयले वडाबासीको चाहना अनुरूपका दुइवटा मुख्य निर्णयहरू सार्वजनिक गरेको छ। नवनिर्वाचित वडा अध्यक्ष र जनप्रतिनिधिहरूको पहिलो बैठकले गरिब तथा विपन्न परिवारका सदस्यहरूका साथसाथै गर्भवती र सुत्केरी महिलाहरूलाई समेत नि:शुल्क एम्बुलेन्स सेवा प्रदान गर्ने र सामाजिक सुरक्षा भत्ता लाभग्राहीको घरदैलोमै पुगेर वितरण गर्ने निर्णय गरेको छ।
![](https://smartakhabar.com/wp-content/uploads/2023/03/wlink_ad.gif)
वडा नं १ का नवनिर्वाचित वडा अध्यक्ष दिपेन्द्र के.सी.ले भन्नुभयो, ” जेष्ठ नागरिकहरू बैंकको लाइनमा बस्नुपर्ने बाध्यतालाई अन्त्य गर्न सामाजिक सुरक्षा भत्ता आवश्यकता अनुसार टोल छिमेक र घरदैलोमा पुगेर वितरण गर्ने निर्णय गरिएको हो।” के.सी आफ्ना प्रतिद्वन्द्वी नेकपा एमालेका उम्मेदवार भगवान के.सी. लाई भारी मतान्तरले पराजित गर्दै दोस्रो कार्यकालका लागि वडा नं १ को वडा अध्यक्षमा पुन: निर्वाचित हुनुभएको थियो।
![](https://smartakhabar.com/wp-content/uploads/2024/05/smart_link_80081.gif)