स्याङ्जामा अवैध लागुऔषध सहित १ जना पक्राउ
जेठ २३, २०८०
स्मार्ट संवाददाता, स्याङ्जा
२३ जेठ २०८०
स्याङ्जामा अवैध लागुऔषध सहित एक जना पक्राउ परेका छ्न्। पुतलीबजार नगरपालिका वडा नं. ०४ रामकोषमा जिल्ला प्रहरी कार्यालय स्याङ्जाबाट खटिएको प्रहरी अधिकृत सहितको टोलीले सवारी साधनहरू चेकजाँच गर्ने क्रममा बुटवलबाट पोखरातर्फ जाँदै गरेको ग. २ ख. ५१५ नं.को यात्रु बाहक बस चेकजाँच गर्दा भक्तपुर घर भै पोखरा बस्दै आएका ५० वर्षीय दिनेश महर्जन पक्राउ परेका हुन्।
सोमबार पक्राउ परेका महर्जनको साथबाट 2ml को झोल सहितको PHENERGAN ६४ एम्पुल , NOOPHIN ६४ एम्पुल र Diazepam ६४ एम्पुल गरी जम्मा १९२ एम्पुल बरामद भएको जिल्ला प्रहरी कार्यालय स्याङ्जाले जनाएको छ। पक्राउ परेका निजलाई स्याङ्जा जिल्ला अदालतबाट मंगलबार म्याद थप अनुमति लिई थप अनुसन्धान कार्य भई रहेको जिल्ला प्रहरी कार्यालयका प्रवक्ता प्रहरी नायव उपरीक्षक रविन्द्र खनालले जानकारी दिनुभयो।
