लियो मिनि म्याराथनमा सुजन क्षेत्री प्रथम
असोज ०८, २०७९
स्मार्ट अखबार सम्वाददाता
२०७९ असोज ८
स्याङ्जाको वालिङमा शनिवार सम्पन्न भएको लियो मिनि म्याराथन प्रतियोगितामा स्याङ्जाका सुजन क्षेत्री पहिलो हुनुभएको छ । त्यस्तै दाङका मनोज रोका मगर दोस्रो र स्याङ्जाका गीर प्रसाद गुरुङ तेस्रो तथा पाल्पाका गिरमान श्रेष्ठ चौथो हुनुभएको छ। उहाँहरूले क्रमशः रु ३० हजार,२० हजार, १० हजार , ४ हजार नगद सहित शिल्ड र मेडल पुरस्कार प्राप्त गर्नुभएको छ। यस्तै महिला तर्फ पुष्पा गुरुङ पहिलो, दिपकला सार्की दोस्रो र ईन्द्रमाया खत्री तेस्रो हुनुभएको छ । उहाँहरूले क्रमश रु १० हजार,रु ५ हजार र रु ३ हजार नगद सहित शिल्ड र मेडल पुरस्कार प्राप्त गर्नुभएको छ।
लियोे क्लव अफ वालिङ सिटीको आयोजनामा भएको ‘दोस्रो लियो कप २०२२ मिनी म्याराथन’ प्रतियोगितामा पुरुषका लागि १७ दशमलव ७ किलोमिटर र महिलाको लागि ९ दशमलव ८ किलो मिटरको दौड तय गरिएको क्लवका पूर्व अध्यक्ष दिक्षान्तप्रताप खाँणले जानकारी दिनुभयो ।
