नगर प्रमुखको नेतृत्वमा फार्मेसीको अनुगमन

साउन ०८, २०८०

स्मार्ट संवाददाता,
८ साउन २०८०

भीरकोट नगरपालिकाको क्षेत्राधिकार भित्र रहेका फार्मेसीहरूको अनुगमन गरिएको छ । नगर प्रमुख गोविन्दकुमार कर्माचार्यको नेतृत्वमा फार्मेसिहरूको अनुगमन गरिएको हो । जिल्ला प्रशासन कार्यालयको निर्देशन बमोजिम पालिकाको बजार क्षेत्रमा रहेका ५ वटा फार्मेसीहरूको अनुगमन गरिएको स्वास्थ्य शाखा प्रमुख नारायणबन्धु अर्यालले जानकारी दिए।

नगरपालिकाभित्र कतै उपचारका जनस्वास्थ्यमाथि खेलवाड भएको छ छैन एकिन गर्न अनुगमन गरिएको पालिका स्रोतले जनाएको छ । स्वास्थ्य क्षेत्र संवेदनशील क्षेत्र भएकाले निजी क्षेत्रबाट स्वास्थ्य क्षेत्रमा खटिएका जनशक्तिहरूले सावधानीपुर्वक मानवसेवामा जुटुन भन्ने उद्देश्यले अनुगमन गरिएको गरिएको नगर प्रमुख कर्माचार्यले बताए । फार्मेसी पसलहरूको इजाजत पत्र, दर्ता नविकरण, औषधिहरूको उपयोग मिति लगायतका विषयहरू अनुगमन गरिएको नगर प्रमुखले जानकारी दिएका छ्न् । अनुगमनका क्रममा केही औषधि पसलहरूले म्याद गुज्रेको औषधि राखेको पाइएकाले सचेत गराइएको र म्याद गुज्रिएको औषधि नष्ट गरिएको पालिकाले जनाएको छ ।