चापाकोटमा नयाँ एम्बुलेन्स , गर्भवती तथा सुत्केरीलाइ नि:शुल्क सेवा
असार २०, २०८०
सुनिल न्यौपाने,चापाकोट
२० असार २०८०
स्याङ्जाको चापाकोट नगरपालिकाले नयाँ एम्बुलेन्स खरिद गरेको छ । नगरबासीको स्वास्थ्य उपचार सेवालाई थप प्रभावकारी बनाउन नगरपालिकाले एम्बुलेन्स खरिद गरेको हो । बिरामी जेष्ठ नागरिक,अपाङ्गता भएका व्यक्ति,गर्भवती तथा सुत्केरी महिलाहरुको सेवा प्रवाहलाई सहज बनाउनको लागि नयाँ एम्बुलेन्स खरिद गरिएको नगर प्रमुख देव बहादुर खाँणले बताए।
विशेषगरी पालिका भित्रका गर्भवती तथा सुत्केरीहरुका लागि चापाकोट अस्पतालसम्म लैजान र अस्पतालबाट रिफर गरिएको खण्डमा सम्बन्धित अस्पतालसम्म लैजानको लागि निःशुल्क एम्बुलेन्स सेवा सञ्चालनमा ल्याइएको चापाकोट नगर प्रमुख खाँणले जानकारी दिए ।
एम्बुलेन्स संचालन तथा व्यवस्थापन सम्बन्धि कार्यविधी निर्माण गरेर एम्बुलेन्स संचालन गरिने नगरपालिकाले जनाएको छ। गर्भवती र सुत्केरीलाई निशुल्क सेवा दिनेगरी कार्यविधी निर्माण गरिने नगर प्रमुख खाँणले बताए ।
