शैक्षिक गुणस्तर वृद्धिमा ध्यान दिनुस् : सांसद गुरूङ
माघ १०, २०८०
हिमालय माध्यमिक विद्यालयले आफ्नो ७६ औं वार्षिकोत्सब धुमधामका साथ मनाएको छ। कास्कीको मादी गाउँपालिका वडा ९ गोर्जेमा अवस्थित हिमालय मा.वि. वि. स २००४ सालमा भाषा पाठशालाको रुपमा स्थापना गरिएको थियो।
कार्यक्रममा शैक्षिक सत्र २०७९ को वार्षिक परीक्षामा उत्कृष्ट अंक प्राप्त गर्ने विद्यार्थीहरूलाई पुरस्कार र छात्रवृत्ति प्रदान गरिएको थियो।विद्यालय व्यवस्थापन समितिका अध्यक्ष माधव अधिकारीको अध्यक्षतामा सम्पन्न भएको वार्षिकोत्सब समारोह विद्यालयका शिक्षक अमृत ढकालको स्वागतसँगै सुरू भएको थियो भने कार्यक्रमको संचालन शिक्षक प्रकाश अधिकारीले गरेका थिए।समारोहमा निवर्तमान प्रधानाध्यापक दुर्गा बहादुर गुरुङ र मङ्सिरमा अवकास भएका शिक्षक कृष्ण प्रसाद अधिकरीलाई सम्मान गरिएको थियो ।
