सामुदायिक विद्यालयको गुणस्तर सुधार्न   खुल्ला प्रतिस्पर्धाबाट प्रधानाध्यापक

असोज २२, २०८०

स्मार्ट सम्वाददाता, वालिङ

२२ असोज २०८०, सोमबार

 

स्याङ्जाको वालिङ नगरपालिकाले सामुदायिक विद्यालयको शैक्षिक  गुणस्तर सुधार गर्न खुल्ला प्रतिस्पर्धाबाट प्रधानाध्यापक चयन गर्ने निर्णय गरेको छ ।

नगरभित्रका आधारभूत तह ८ वटा र माध्यमिक तह तर्फ १६ वटा गरी २४ वटा सामुदायिक विद्यालयमा खुल्ला प्रतिस्पर्धाबाट प्रधानाध्यापक चयन गर्ने निर्णय गरेको हो । पहिले चरणमा आधारभूत तह कक्षा १–८ सञ्चालित सबै विद्यालय र माध्यमिक तर्फ ८ वटा विद्यालयमा खुल्ला प्रतिस्पर्धा गराइने नगरप्रमुख कृष्ण खाँणले जानकारी दिए । पछिल्लो समय सामुदायिक विद्यालयको शैक्षिक स्तर खस्किँदै गएको गुनासो आउन थालेको भन्दै पालिकाले यस्तो निर्णय गरेको जनाएको छ । 

शैक्षिक गुणस्तरलाई सुधार गर्नका लागि नगरपालिकाले योग्यता र क्षमताका आधारमा प्रतिस्पर्धाबाट प्रधानाध्यापक चयन गर्ने निर्णय गरेको नगर प्रमुख खाँणले बताए  । यस्तै सबै सरकारी कर्मचारी, जनप्रतिनिधि र सामुदायिक विद्यालयका शिक्षक शिक्षिकाहरूले पनि आफ्ना बालबच्चालाई सामुदायिक विद्यालयमा पढाउने गरी वालिङ नगरपालिकाले अनुरोध गरेको छ ।

नगरपालिका भित्रका शिक्षकहरुले आधारभूत तहमा शिक्षा शास्त्र विषयमा कम्तीमा स्नातक र माध्यमिक तहमा कम्तीमा ५ वर्ष स्थायी सेवा गरेको र स्नातकोत्तर पास गरेको अथवा १० वर्ष स्थायी सेवा र स्नातक गरेको शिक्षक प्रधानाध्यापक हुने कानुनी व्यवस्था रहेको उपप्रमुख कविता तिवारीले जानकारी दिईन् l

  ।

Post Views: 11