उत्तरवाहिनीमा ” धर्म र विज्ञानको सद्भाव” विषयक अन्तर्राष्ट्रिय सम्मेलन
पुष १३, २०८०
स्याङ्जाको कालिगण्डकी ज्ञान विज्ञान प्रतिष्ठानको पहलमा २ दिवसीय “धर्म र विज्ञानको सद्भाव” विषयक अन्तर्राष्ट्रिय सम्मेलन सम्पन्न भएको छ। ज्ञान र विज्ञानको संयोगले नै वास्तविक ज्ञान अनुभूत गर्न सकिन्छ भन्ने मान्यतासहित आधुनिक र वैज्ञानिक गुरुकुल संचालन गरिरहेको कालीगण्डकी ज्ञान विज्ञान प्रतिष्ठान स्याङ्जा र भारतको श्री चैतन्य सारस्वत सभाको संयुक्त आयोजनामा “धर्म र विज्ञानको सद्भाव” विषयक दुई दिने अन्तर्राष्ट्रिय सेमिनारको आयोजना भएको हो । सो सेमिनारमा नेपाल र नेपाल बाहिरका गरी १८ वटा प्राज्ञिक कार्यपत्र प्रस्तुत गरिएको थियो । २०८० पौष ९ र १० गते सन्चालन भएको सेमिनारमा नेपाल, भारत, बेलायत, नर्बे, अमेरिका लगायत देशबाट प्रत्यक्ष र भर्चुअल प्रस्तुति भएका थिए ।
स्याङ्जा र पाल्पा जिल्लाका धार्मिक, राजनीतिक तथा बौद्धिक वर्गको राम्रो उपस्थिति रहेको सो कार्यक्रममा स्याङ्जा पाल्पाका विभिन्न विद्यालयमा पढ्दै गरेका युवा विद्यार्थीहरू तथा विज्ञान शिक्षकहरूको पनि उपस्थिति रहेको थियो । अहिलेका नयाँ पुस्ताले धर्मलाई बेवास्ता गर्ने क्रम बढेको र हाम्रा गौरवशाली परम्पराहरू बिर्सँदै गएको सन्दर्भमा यस कार्यक्रमले विद्यार्थीहरूलाई सकारात्मक सन्देश प्रदान गरी हाम्रो धर्म र धार्मिक ग्रन्थका वैज्ञानिक पक्षबारे जानकारी गराएको आयोजक कालीगण्डकी ज्ञान विज्ञान प्रतिष्ठानका अध्यक्ष चैतन्यकृष्णले बताए । सो सेमिनारमा निम्न कार्यपत्र प्रस्तोता तथा बौद्धिक वर्गको उपस्थिति रहेको थियो :
