सबै पालिकामा सर्वसम्मतिको प्रयास, ५ पालिकाको नतिजा सार्वजनिक
कार्तिक ०९, २०७८
भीरकोट खबर डेस्क, ९ कर्तिक २०७८ 
नेकपा एमालेको नगर अधिवेशनमा स्याङ्जा जिल्लाका सबै पालिकामा सर्वसम्मत नेतृत्व चयन गर्ने प्रयास गरिएको छ।आज भएको नगर अधिवेशनका ५ वटा पालिकाहरू नतिजा सार्वजनिक भैसकेको नेकपा एमालेका जिल्ला अध्यक्ष सूर्य प्रसाद गैह्रे पारसले जानकारी दिनुभएको छ। 
उहाँका अनुसार नेकपा एमाले भीरकोट नगरपालिकाको प्रथम अधिवेशनबाट अध्यक्षमा बिश्वनाथ अर्याल , उपाध्यक्षमा मिठु अधिकारी, सचिवमा गोकुल अधिकारी, उपसचिवमा पर्बत खाम्चामगर र केशरजङ अधिकारी सर्वसम्मत निर्वाचित हुनुभएको छ।
यसैगरी नेकपा एमाले आँधिखोला गाउँपालिकाको प्रथम अधिवेशनबाट अध्यक्षमा सिहं बहादुर क्षेत्री, उपाध्यक्षमा लोक प्रसाद ढकाल, सचिवमा शिव पैाडेल, उपसचिवमा सीता नेपाली र भक्त बहादुर के सि सर्वसम्मत निर्वचित हुनुभएको छ।
नेकपा एमाले अर्जुनचौपारी गाउँपालिकाको प्रथम अधिवेशनबाट अध्यक्षमा मोहन बहादुर अधिकारी , उपाध्यक्षमा चक्र बहादुर गुरुङ, सचिव टिकाराम खनाल, उपसचिवमा नारायण ढकाल सर्वसम्मत निर्वाचित हुनुभएको छ।
नेकपा एमाले गल्याङ नगरपालिकाको प्रथम अधिवेशनबाट अध्यक्षमा दान बहादुर थापा, उपाध्यक्षमा घनश्याम भट्टराई, सचिवमा राजेन्द्र खनाल, उपसचिवमा क भेमला बराल र शशीकुमार सर्वसम्मत निर्वाचित हुनुभएको छ।
नेकपा एमाले हरिनास गाउँपालिकाको प्रथम अधिवेशनबाट अध्यक्षमा खिम नारायण मानान्धर, उपाध्यक्षमा ओम प्रसाद सिग्देल, सचिवमा ईन्द्र रुचाल, उपसचिवमा प्रशुराम लम्साल र चिन्तामणी शर्मा सर्वसम्मत निर्वाचित हुनुभएको छ।
