काङ्ग्रेसको वडा अधिवेशन आज
भदौ १८, २०७८
भाद्र १८, भीरकोट खबर डेस्क,
पार्टीमा आन्तरिक प्रजातन्त्र सुदृढ गर्दै नयाँ नेतृत्व चयन गर्नका लागि नेपाली कांग्रेसको १४ औं महाधिवेशन प्रक्रिया आजदेखि सुरु हुँदै छ । कांग्रेसको महाधिवेशन कार्यतालिका र विधानअनुसार सबैभन्दा तल्लो तहको अधिवेशन अन्तर्गत आजदेखि देशैभरी वडा अधिवेशन हुने भनिएको भए पनि ५६ वटा जिल्लामा मात्रै वडा अधिवेशन हुने भएको छ । वडा तहबाट छानिने प्रतिनिधिले महाधिवेशनको नतिजामा प्रभाव पार्ने भएकाले केन्द्रीय नेताहरु पनि वडा तहसम्मै सक्रिय भएका छ्न् । एकैदिन वडा अधिवेशन गर्ने कार्यतालिका भए पनि कृयाशिल सदस्यता विवादका कारण २१ जिल्लामा भने वडा अधिवेशन नहुने भएको छ । भीरकोटका ९ वटै वडामा वडा अधिवेशन हुँदैछ । क्षेत्रीय प्रतिनिधि र वडा समिति चयनका लागि आज निर्वाचन हुँदैछ । भीरकोट नेपाली काङ्ग्रेसको सबैभन्दा बलियो क्षेत्र हो । कृयाशिल सदस्य र आकांक्षीको संख्या पनि धेरै भएकाले चुनावी नतिजाका लागि सबै आतुर छ्न् ।
