चापाकोटको कृषि क्याम्पसको अध्यक्षमा नविन काफ्ले मनोनित
फागुन १३, २०७८
स्मार्ट अखबार संवाददाता, चापाकोट १३ फागुन २०७८
लामो समय विवादमा रहदै आएको कृषि तथा वन क्याम्पसमा चापाकोट नगर प्रमुख शिवकुमार गिरी संरक्षक रहने गरी हाल परिवर्तित नाम प्राकृतिक स्रोत व्यवस्थापन कलेजको संचालक समितिको अध्यक्षमा नवीन काफ्लेलाई मनोनयन गरिएको नगरपालिकाले जनाएको छ ।
संचालक समितिको उपाध्यक्षमा नारायण प्रसाद श्रेष्ठ, सदस्यहरुमा विन्दु कोइराला, खेमराज भट्टराई, हरिप्रसाद भट्टराई, देवी श्रेष्ठ, बसन्तराज पौडेल, रत्नप्रसाद बराल र गोर्कण भट्टराई हुनुहुन्छ।
नवनियुक्त अध्यक्ष काफ्लेले क्याम्पस सञ्चालन र विकासका निम्ती सबैखाले चुनौती सामना गरि सार्थक तुल्याउने प्रतिवद्धता व्यक्त गर्नुभएको छ। क्याम्पस संचालनमा समितिका सदस्य, चापाकोटबासी र स्थानीय सरकारको सहयोगको अपेक्षा समेत उहाँले बताउनुभयो।लामो समय वित्तिय क्षेत्रमा काम गर्दै आएका काफ्लेको विज्ञताले कलेजको उचाई अझै बढ्ने विश्वास गरिएको छ ।
