भीरकोटका ९ वटै वडा बालमैत्री घोषणाको लागि वडा स्तरबाट स्वीकृत ।
![](https://smartakhabar.com/wp-content/uploads/2021/03/feature-1024x536.jpg)
भीरकोट खबर डेस्क:
![](https://smartakhabar.com/wp-content/uploads/2024/06/new-palika-jingle-rgb-1.jpg)
भीरकोटका ९ वटै वडा बालमैत्री घोषणाको लागि वडा स्तरबाट स्वीकृत गरिएको छ । बालमैत्री स्थानीय शासन अबलम्बन तथा घोषणाका लागी ९ वटै वडाको अन्तिम प्रतिवद्धता नगरमा पेश गरिएको छ र यही फाल्गुन २२ गते नगर स्तरीय घोषणा संगै उक्त कार्यले पूर्णता पाउनेछ ।
![](https://smartakhabar.com/wp-content/uploads/2024/06/janahit_dengue-1.jpg)
जनप्रतिनिधि, राजनितिक दल, बालबालिका, विभिन्न संघसंस्था, विद्यालय, स्वास्थ्य क्षेत्र, सुरक्षालगायत सरोकारवालाको सहभागिता नगरका ९ वटै वडा बालमैत्री स्थानीय शासन घोषित भएका हुन् । स्थानीय सरकार सञ्चालन ऐन २०७४ बमोजिम भीरकोटका ९ वटै वडामा बालमैत्री स्थानीय शासन सिएफएलजि अवलम्बन तथा घोषणाको क्षेत्रमा सक्रिय एवं अर्थपुर्ण सहभागिता जनाई हस्ताक्षर सहित प्रतिवद्धता सहित घोषणा गरिएको हो ।
आर्थिक वर्ष २०७५/०७६ मा शुरु गरी गत चैत्रमा घोषणा गर्ने प्रक्रियामा रहेपनि कोभिडका कारण घोषणा कार्यक्रम प्रभावित बनेकाले यही फागुन २२ गते नगर घोषणा कार्यक्रम रहेको नगरप्रमुख छायाराम खनालले बताउनुभयो। बालमैत्री घोषणाका लागी आवश्यक ३९ सूचकहरु पुरा गरी भीरकोटलाई घोषणा गर्ने तयारीमा रहेको प्रमुख खनालले बताउनुभयो। प्रमुख खनालले भन्नुभयो, ‘हामीले गतवर्ष नै घोषणा गर्ने तयारीमा रहेका थियौँ तर कोभिडले संभव भएन् । देशभरका ७५३ स्थानीय तहमध्ये भीरकोट घोषणा सातौँ हुनेछ । अव घरदेखि टोल, विद्यालय संघसंस्था सबै बालमैत्री भएका छन्।
![](https://smartakhabar.com/wp-content/uploads/2023/03/wlink_ad.gif)
भीरकोट गण्डकी प्रदेशकै दोस्रो बालमैत्री नगरको रुपमा रहनेछ। घोषणा कार्यक्रम संगै थप चुनौतीहरु पनि संगसंगै रहने भन्दै प्रमुख खनालले घोषणा पक्षलाई सफल बनाउन सबैको सहयोग र सहकार्य आवश्यक रहने बताउनुभयो। प्रमुख खनालले भन्नुभयो, ‘घोषणा पक्ष नौलो कुरा होईन तर यसपछिको व्यवस्थापन पक्ष अझ महत्वपुर्ण रहन्छ । घोषणा प्रक्रियामा साथ सहयोग गर्ने सबैलाई आभार व्यक्त गर्न चाहान्छु। साथै यही फाल्गुन २२ गते भीरकोटका सबै वडामा डिजिटल प्रोफाईलको समेत सुभारम्भ गर्ने कार्यक्रम रहेको छ ।
कार्यक्रमको तस्बिरहरु हेर्नुहोस l
![](https://smartakhabar.com/wp-content/uploads/2024/05/smart_link_80081.gif)
![](https://smartakhabar.com/wp-content/uploads/2024/05/new-ad-smart-1.jpg)
![](https://smartakhabar.com/wp-content/uploads/2023/01/jayalaxmi-tiff.gif)