भीरकोट नगरपालिकाका नवनिर्वाचित नगर प्रमुख गोबिन्द कुमार कर्माचार्यले स्याङजाका मुख्य निर्वाचन अधिकृत बसन्तराज पौडेलबाट सपथ ग्रहण गरेपछि उहाँले नवनिर्वाचित उपप्रमुख भगवती रेग्मी अर्याल र भीरकोट नगरपालिकाका ९ वटै वडाका जनप्रतिनिधिहरूलाई शपथ ग्रहण गराउनुभएको हो।
शपथ ग्रहण गर्नुभएका वडाध्यक्षहरूमा भीरकोट नगरपालिका वडा नम्बर १ का दिपेन्द्र केसी, वडा नम्बर २ का श्यामकाजी अधिकारी, वडा नम्बर ३ का केशर बहादुर खड्का, वडा नम्बर ४ का रत्न प्रकाश श्रेष्ठ, वडा नम्बर ५ का कृष्ण बहादुर थापा, वडा नम्बर ६ का लक्ष्मण खत्री क्षेत्री (रामकाजी), वडा नम्बर ७ का ताराप्रसाद अर्याल, ८ वडाका नन्दलाल खनाल, ९ वडाका भिम बहादुर गुरुङ हुनुहुन्छ।
कार्यक्रममा निवर्तमान जनप्रतिनिधिहरुलाई बिदाइ समेत गरिएको थियो। कार्यक्रममा निवर्तमान मेयर, उपमेयर, कार्यपालिका सदस्य, वडाध्यक्षलगायत सबै जनप्रतिनिधिहरुलाई बिदाई गरिएको थियो।
