बालोदय मा. वि. मा एकैदिन चार प्रतियोगिता सम्पन्न
कार्तिक १३, २०७८
नारायण रेग्मी, १३ कार्तिक २०७८
बालोदय मा. वि. भीरकोट -६ , सुन्दरबजारमा २०७८/७/१२ गते शुक्रबारका दिन चार वटा अतिरिक्त क्रियाकलाप सम्पन्न भएका छ्न्। विद्यालयमा अध्यनरत विद्यार्थीहरुको चौतर्फी विकास गर्ने दृष्टिकोणले अतिरिक्त क्रियाकलाप अन्तर्गत पूर्व प्राथमिक तहको Picture Quiz, प्राथमिक तहको कक्षाकोठा सजावट (Classroom Decoration), माध्यमिक तहको खेलमैदान सरसफाइ र हजिरीजवाफ प्रतियोगिता सम्पन्न भएको हो।पूर्व प्राथमिक तहको Picture Quiz प्रतियोगितामा रिजन थापा,रितिक बि.क. र सिजन अर्यालको समूह प्रथम भएको छ।
माध्यमिक तहका विद्यार्थीहरूले नियमित खेल अभ्यासका लागि भलिबल र फुटबल मैदान पनि सरसफाइ गरेका थिए।यसैगरी कक्षा ७ ले आयोजना गरेको हाजिरी जवाफ प्रतियोगितामा ८ टिमको सहभागिता रहेको थियो।प्रतियोगितामा भीरकोट कालिका सदनका प्रतिज्ञा अर्याल , प्राञ्जल तिवारी र सृष्टि थापाको समूह प्रथम ,खिलुङ कालिका सदनका प्रशंसा अर्याल, रिता अर्याल र खडानन्द अर्यालको समूह द्वितीय र स्वरेक कालिका सदनका शिशिर रोका, प्रमिला अधिकारी र अन्जली थापाको समुह तृतीय भएका छ्न्। हाजिरीजवाफ प्रतियोगिता कक्षा ७ का विद्यार्थीहरू शिव अर्यालको अध्यक्षतामा र शुभ अर्यालको संचालनमा सम्पन्न भएको थियो ।कक्षाकोठा सजावट प्रतियोगितामा कक्षा ५ प्रथम भएको अतिरिक्त क्रियाकलाप संयोजक सुस्मा रेग्मीले जानकारी दिनुभयो।
