भीरकोटका ९ वटै वडा बालमैत्री घोषित
![](https://smartakhabar.com/wp-content/uploads/2021/03/4-1-1024x536.jpg)
भीरकोट खबर डेस्क, फागुन २०
![](https://smartakhabar.com/wp-content/uploads/2024/06/new-palika-jingle-rgb-1.jpg)
बालमैत्री घोषणा पूर्वतयारीमा रहेको भीरकोट नगरपालिकाले पूर्व सन्ध्यामा पत्रकार सम्मेलन गरेको छ । आज भीरकोट नगरपालिकाको सभा हलमा बालमैत्री नगर घोषणा समारोह पूर्व पत्रकार सम्मेलन गरेको हो ।
![](https://smartakhabar.com/wp-content/uploads/2024/06/janahit_dengue-1.jpg)
कार्यक्रममा नगरप्रमुख छायाराम खनालले आर्थिक वर्ष २०७५/०७६ मा शुरु गरी गत चैत्रमा घोषणा गर्ने प्रक्रियामा रहेपनि कोभिडका कारण घोषणा कार्यक्रम प्रभावित बनेकाले यही फागुन २२ गते नगर घोषणा कार्यक्रम रहेको नगरप्रमुख छायाराम खनालले बताउनुभयो । प्रमुख खनालले जन्मेदेखी नै बालबालिका स्वस्थ्य हुनुपर्छ भन्ने हेतुले अण्डा वितरण, पूर्ण खोप सुनिश्चितता कार्यक्रम संचालन गरेको बताउनुभयो ।
![](https://smartakhabar.com/wp-content/uploads/2023/03/wlink_ad.gif)
भीरकोट नगरपालिका सिकाईको चरणमा रहेको भन्दै आरम्भ मात्र रहेको बताउनुभयो । उहाँले हरेक विद्यालय तथा टोलहरुमा बाल समूह गठन गरी नगर स्तरीय बाल संजाल गठन गरेको बताउनुभयो । प्रत्येक शुक्रबार नगरका विद्यालयहरुमा अतिरिक्त क्रियाकलाप गरिएको र सूचनाको स्रोत नै विद्यार्थी भएको बताउनुभयो ।
![](https://smartakhabar.com/wp-content/uploads/2024/05/smart_link_80081.gif)
बालमैत्री घोषणाका लागी आवश्यक ३९ सूचकहरु पुरा गरी भीरकोटलाई घोषणा गर्ने तयारीमा रहेको प्रमुख खनालले बताउनुभयो । प्रमुख खनालले भन्नुभयो, “हामीले गतवर्ष नै घोषणा गर्ने तयारीमा रहेका थियौँ तर कोभिडले संभव भएन । देशभरका ७५३ स्थानीय तहमध्ये भीरकोट घोषणा सातौँ हुनेछ । अव घरदेखि टोल, विद्यालय संघसंस्था सबै बालमैत्री भएका छन् ।”
![](https://smartakhabar.com/wp-content/uploads/2024/05/new-ad-smart-1.jpg)
कार्यक्रममा बालमैत्री राष्ट्रिय सहजकर्ता बिष्णुप्रसाद चर्तुबेदीले बालमैत्री स्थानीय शासन राष्ट्रिय अवधारणा रहेको बताउँदै बाल अधिकार सुनिश्चितता गरी दिगोपना महत्वपूर्ण पक्ष रहेको बताउनुभयो । बालमैत्री स्थानीय शासन पंचबर्षिय रणनिति कार्यक्रमको खाका समेत नगरपालिकाले तयार पारिसकेको भन्दै हरेक पालिका बालमैत्री स्थानिय शासन हुनुपर्ने बताउनुभयो ।
![](https://smartakhabar.com/wp-content/uploads/2023/01/jayalaxmi-tiff.gif)
भीरकोट गण्डकी प्रदेशकै दोस्रो बालमैत्रि नगरको रुपमा रहनेछ । साथै यही फाल्गुन २२ गते शनिबारका दिन गण्डकी प्रदेशका प्रमुख अमिक शेरचनले विशेष समारोहका बिच घोषणा गर्नुहुनेछ । कार्यक्रम नगरप्रमुख छायाराम खनालको अध्यक्षतामा स्वागत नगर प्रवक्ता दिपेन्द्र केसीले गर्नुभएको थियो भने संचालन पत्रकार एसीव शरण महतले गर्नुभएकाे थियो ।