बयरघारीमा व्याडमिन्टन प्रतियोगिता हुने
भदौ २८, २०७८
भाद्र २८, भीरकोट खबर डेस्क,
“स्वास्थ्यका लागी खेल, राष्टका लागि खेल” नारालाई मूल मन्त्र मानेर स्थापना गरिएको बयरघारी ब्याडमिन्टन क्लबको आयोजनामा यहि असोज २ गते देखि बयरघारीमा व्याडमिन्टन प्रतियोगिता हुने भएको छ । भीरकोट नगरपालिका बयरघारीका ब्याडमिन्टन खेलप्रेमी युवाहरूले गतवर्ष क्लब गठन गरेपछि आयोजना गरेको पहिलो औपचारिक प्रतियोगीता व्याडमिन्टन कोर्ट सिसौघारीमा हुने संचालन हुनेछ । उक्त खेलमा सहभागी हुन असोज १ गते भित्र टिम दर्ता गरिसक्नुपर्ने क्लबले जनाएको छ । भीरकोट नगरपालिका मुख्य प्रायोजक रहेको उक्त प्रतियोगितामा आँधिखोला पिस युथ क्लब मुख्य सहयोगी रहेको छ । “डबल जेन्स व्याडमिन्टन प्रतियोगिता -२०७८” नाम दिइएको यो प्रतियोगितामा Category A र Category C गरी दुई प्रकारका प्रतिस्पर्धाहरू हुनेछ्न् । दुबै प्रकारका विजेताहरूका लागि एउटै प्रकार र राशीको पुरस्कारको व्यवस्था गरिएको व्याडमिन्टन क्लबका उपाध्यक्ष तथा खेल संयोजक सुजन गुरूङले जानकारी दिनुभयो । जस अनुसार विजेताहरूलाई प्रथम पुरस्कार नगद रू. २५,०००, द्वितीय पुरस्कार नगद रू. १५,००० र तृतीय पुरस्कार नगद रू. ५,००० का साथमा ट्रफी मेडल र प्रमाणपत्र प्रदान गरिने व्याडमिन्टन क्लबका अध्यक्ष ढाकाराम खनालले जानकारी दिनुभयो। अध्यक्ष खनालका अनुसार भीरकोट नगर क्षेत्र भित्र छरिएर रहेका ब्याडमिन्टन खेलाडीहरुलाई एउटै मन्चमा गोलबन्द गरी मैत्रीपूर्ण खेलहरू आयोजना गरिरहेको क्लबले भविष्ययमा सक्षम खेलाडीहरू उत्पादन गर्ने, क्लब मार्फत सामाजिक, धार्मिक, सांस्कृतिक, खेलकुद तथा मनोरन्जन लगायतका क्षेत्रमा काम गर्ने योजना समेत रहेको बताउनुभयो । प्रतियोगितामा सहभागी हुन चाहने टिमले दर्ता शुल्क बापत रू २,५०० बुझाउनु पर्नेछ । भीरकोटको एक मात्र आधिकारिक अनलाइन न्युज पोर्टल भीरकोट खबर डटकमले अफिसियल मिडियाको रूपमा प्रतियोगिता सम्बन्धि नियमित खबर प्रकाशन गर्नेछ ।
