भूकम्प पीडितलाई स्याङ्जा कांग्रेसले १० लाख भन्दा बढी सहयोग गर्ने
कार्तिक २०, २०८०
नेपाली कांग्रेस जिल्ला कार्य समिति स्याङ्जाले जाजरकोटका भूकम्प पीडित परिवारका लागि १० लाख भन्दा बढीको आर्थिक सहयोग गर्ने निर्णय गरेको छ ।जाजरकोटको रामीडाँडा केन्द्रविन्दु भाएर गएको भूकम्प पीडितहरुको पुनस्थापना, राहत लगायतका कार्यका लागि आर्थिक सहयोग गर्ने निर्णय गरिएको कार्यबहाक जिल्ला सभापती केदार काफ्लेले बताए ।
“न्युनतम ५० रूपैयाँ भएपनि आर्थिक रूपले क्षमतावान कार्यकर्ता वा शुभेच्छुकले धेरै सहयोग गर्ने सम्भावना अत्याधिक रहेकाले यो रकम बढ्न सक्ने सम्भावना एकदम बढी छ ।११ वटै स्थानीय तहका पार्टी सभापतिहरूसँग समन्वय गरि निर्णय गरिएको हो। तिहार अघावै भुकम्प पिडिलाई आर्थिक सहयोग गर्ने कुरामा हामी प्रतिबद्ध छौँ ।” कार्यबहाक सभापती काफ्लेले भने।
