वडा स्तरीय भलिबलमा दरौंखोला युवा क्लब प्रथम
कार्तिक १८, २०७८
भीरकोट खबर डेस्क, १८ कार्तिक २०७८
“गाउँको विकास युवाको काँधमा” भन्ने नाराका साथ स्थपित खिलुङ्ग कालिका युवा क्लब, भीरकोट ७ ले दीपावलीको पावन अवसरमा आयोजना गरेको वडा स्तरीय भलिबल प्रतियोगिता भव्य र सभ्य तरिकाले सम्पन्न भएको छ ।
यहि कार्तिक १२ गते नगर प्रमुख छायाराम खनालले उद्घाटन गरेको प्रतियोगितामा कुल १७ टिमको सहभागिता रहेको थियो । भञ्ज्याङ खेलमैदान तिलाहारमा सम्पन्न खेलमा दराैंखाेला युवा क्लब, अर्जुन चाैपारी उत्कृष्ट खेल प्रदर्शन गर्दै प्रथम हुन सफल भएको छ । यसैगरी आयाेजक खिलुङ्ग कालिका युवा क्लबले दोस्रो पुरस्कार हात पारेको छ भने बान्खे युवा क्लब तेस्राे र आयाेजक स्वयंको अर्को टिमले सान्त्वना पुरस्कार प्राप्त गरेको क्लबका अध्यक्ष पर्वत खाम्चा मगरले जानकारी दिनुभयो । विजेता टिमहरूलाई नगद, ट्रफी ,मेडल र प्रमाणपत्र सहित सम्मान गरिएको थियो।आयोजकका अनुसार प्रथम पुरस्कार नगद रू २५,०००/- द्वितीय पुरस्कार रू १५,०००/- र तृतीय पुरस्कार रू १०,००० र सान्त्वना पुरस्कार रू ५,०००/- रहेको थियो । प्रथम पुरस्कारको प्रायोजन नेकपा(एमाले) भीरकोटले गरेको थियो भने तृतीय पुरस्कारको प्रायोजन भरतपुर महानगरपालिका -११ निवासी त्रिभुवन पौडेलले गर्नुभएको थियो ।
१७ गते बुधबार आयोजित पुरस्कार वितरण तथा समापन समापन समारोह साझा स्वास्थ नेपालका अध्यक्ष तथा नेकपा एमाले जिल्ला सचिवालय सदस्य सन्ताेष के. सि. को प्रमुख आतिथ्तामा सम्पन्न भएको थियो । समापन समारोहमा खेलाडी, खेलप्रेमी महानुभाव, राजनीतिक दलका प्रतिनिधि र स्थानीयहरू गरि करिब २०० जनाको सहभागिता रहेको आयोजकले जनाएको छ।क्लबक उपाध्यक्ष कृष्ण अर्यालको अध्यक्षता सम्पन्न समापन समारोहको संचालन क्लबका अध्यक्ष पर्वत खाम्चा मगरले गर्नुभएको थियो ।
