नेकपा एमाले भीरकोट वडा नम्बर ४ को विस्तारित बैठक सम्पन्न
![](https://smartakhabar.com/wp-content/uploads/2021/09/uml-3.jpg)
आश्विन १३, भीरकोट खबर डेस्क,
![](https://smartakhabar.com/wp-content/uploads/2024/06/new-palika-jingle-rgb-1.jpg)
नेकपा एमाले भीरकोट वडा नम्बर ४ को विस्तारित बैठक छाङ्छाङ्दि मन्दिरमा सम्पन्न भएको छ । वडा कमिटी अध्यक्ष मेघनारायण ढुङ्गानाको अध्यक्षता र नेकपा एमाले गण्डकी प्रदेश कमिटी सदस्य एवं गण्डकी प्रदेश सांसद माननीय मोहन रेग्मीको आतिथ्यतामा बसेको विस्तारित बैठकले वडा कमिटिलाई थप सशक्त र चलयमान गराउने निर्णय गरेको छ।
![](https://smartakhabar.com/wp-content/uploads/2024/06/janahit_dengue-1.jpg)
विस्तारित बैठकमा बोल्दै रेग्मीले वडा नं ४ मा अवस्थित छायाक्षेत्र मन्दिरको विकास ,खानेपानी र सडक विस्तारमा बजेट विनियोजन गर्न पहल गरेको जानकारी गराउनु भएको थियो।नेकपा समाजवादी एकीकृत पार्टीको उपस्थिति भीरकोटमा शून्य भएकोमा खुसी व्यक्त गर्दै रेग्मीले पार्टी संगठन विस्तार र सुदृढीकरणमा ध्यान दिन नेतृत्व पक्तिलाई आग्रह गर्नुभएको थियो। नेकपा एमाले नगर कमिटि सचिवालय सदस्य डोलराज ढुङ्गानाको स्वागत मन्तव्य सँगै सुरु भएको कार्यक्रममा साझा औषधीका अध्यक्ष एवं नेकपा एमाले जिल्ला कमिटी सचिवालय सदस्य सन्तोष के सि ,जिल्ला कमिटी सचिवालय सदस्य दुर्गादत्त भुषाल, नगर कमिटि अध्यक्ष विश्वनाथ अर्याल , जिल्ला सल्लाहकार सदस्य डिल बहादुर श्रेष्ठ र हर्क बहादुर गुरुङ , वडा अध्यक्षहरू चन्द्र बहादुर बस्नेत र कमल त्रिपाठी , नगर कमिटी सचिव गोकुल अधिकारी, अनेम संघ क्षेत्रीय उपाध्यक्ष मिठु अधिकारी लगायतले शुभकामना मन्तव्य राख्नुभएको थियो।बैठकले टोल कमिटी गठन र पार्टी सदस्यता नविकरणलाई पहिलो प्राथमिकता दिंदै यहि असोज २३ गते हुने नगर भेलाको तयारीलाई तिव्र पार्ने निर्णय गरेको छ ।
![](https://smartakhabar.com/wp-content/uploads/2023/03/wlink_ad.gif)