शिक्षकहरूले धानेको नेपाली काङ्ग्रेसको राजनीति
असोज ०९, २०७८
आश्विन ०९, भीरकोट खबर डेस्क,
सामुदायिक विद्यालयका स्थायी शिक्षकहरू नै नेपाली काङ्ग्रेसको सक्रिय राजनीतिमा खुलेर लागेका छ्न्।नेपाली काङ्ग्रेसको चौधौं महाधिवेशमा उनीहरू वडा तहमा निर्वाचित भैसकेका छ्न् भने केहिले नगर अधिवेशनमा उम्मेदवारी घोषणा गरेका छ्न् ।
भीरकोटमा पनि सामुदायिक विद्यालयका स्थायी शिक्षकहरू नेपाल सरकारको तलब भत्ता खाएर पार्टीको राजनीतिमा खुलेर लागेका छ्न्।अमर आधारभूत प्रा.वि कि शिक्षिका शारदा अर्याल, भाग्योदय मा.वि. का शिक्षक नन्दलाल खनाल ,दहथुम मा.वि. का शिक्षक शोभाकान्त पौडेल लगायतका शिक्षकहरूले नगर अधिवेशनमा उम्मेदवारी दिनु भएकाे हो । शारदा अर्यालले नगर उपसभापति, नन्दलाल खनाल र शोभाकान्त पौडेलले सचिव पदमा उम्मेदवारी दिनुभएकाे छ ।सामाजिक संजाल मार्फत पनि उहाँहरूले भोट माग्नुभएको छ।यसैगरी रणविर जनहित मा.वि, वालिङ् खहरेका प्रधानाध्यापक लक्ष्मी रेग्मीले महाधिवेशन प्रतिनिधिमा उम्मेदवारी घोषणा गर्नुभएको छ ।रेग्मी नेपाल शिक्षक संघ स्याङ्जाका अध्यक्ष पनि हुनुहुन्छ।
यी केही प्रतिनिधि पात्रहरू मात्रै हुन्।यसरी महत्वपूर्ण पदहरूमा शिक्षकहरूनै सक्रिय देखिएपछी नेपाली काङ्ग्रेस को राजनीति शिक्षकहरूले नै धानेका छ्न् भन्ने कुरा प्रष्ट भएको छ। स्याङ्जा जिल्लामा मात्रै नभएर देशैभर विभिन्न तहमा शिक्षकहरू निर्वाचित भएका छ्न्। शिक्षकहरूले आफ्नो पदीय मर्यादा बिर्सेर उम्मेदवारी घोषणा गर्नु र नियमनकारी निकाय मौन बस्नुले विधिको शासन र सुशासनको धज्जी उडेको छ । सामुदायिक विद्यालयमा शैक्षिक गुणस्तर खस्कदै जानुको एउटा मुख्य कारण पनि शिक्षकको राजनीतिक सक्रियता हो ।
