सातौं दीपन स्मृति क्रिकेट प्रतियोगिताको उपाधी आयोजकलाई
चैत १२, २०७९
स्मार्ट संवाददाता ,भीरकोट
१२ चैत्र २०७९
स्याङ्जाको भीरकोटमा आयोजित “सातौँ दिपन स्मृति क्रिकेट प्रतियोगिता”को फाइनल खेलमा रामपुर क्रिकेट क्लबलाइ ४४ रनले हराउँदै आयोजक हेलु लामाचौर युवा क्लबले प्रतियोगिताको उपाधी जित्न सफल भएको छ। जितसँगै क्लबले नगद रु २५ हजार १ सय २८ रूपैयाँ ,शिल्ड, , मेडल र प्रमाणपत्र प्राप्त गर्न सफल भएको छ ।
टस जितेर मैदानमा उत्रेको हेलु लामाचौर क्लबले अविनाश खाँणको उत्कृष्ट ३७ रनको मद्दतले रामपुर क्रिकेट टिमलाई ७९ रनको लक्ष्य दिएको थियो। जवाफी ब्याटिङमा उत्रेको रामपुर क्रिकेट क्लबलाई ३४ रनमा समेट्दै हेलु लामाचौर क्लब विजयी भएको हो। प्रतियोगितामा भुजात क्रिकेट क्लवका सुरज घर्ती बेस्ट व्याट्सम्यान, बयरघारी क्रिकेट क्लवका खेम गुरुङ बेस्ट बलर र हेलु लामाचौर युवा क्लबका अशोक श्रेष्ठ प्लेयर अफ द टुर्नामन्ट घोषित भएका थिए।
प्रतियोगितमा स्याङ्जाका १३, पाल्पाका २ र कास्कीको १ गरी १६ टिमको सहभागिता रहेको थियो। प्रतियोगिताको उद्घाटन गण्डकी प्रदेशका पूर्व मन्त्री मेखलाल श्रेष्ठ र नगर प्रमुख गोविन्द कुमार कर्माचार्यले गरेका थिए भने समापन समाजसेवी चन्द्रमानसिंह थापाले गरेका थिए।
