भीरकोटमा नवयुग भीरकोट संस्थाको स्थापना
![](https://smartakhabar.com/wp-content/uploads/2023/08/received_533289132274921.jpeg)
कला राना, वालिङ
२८ साउन २०८०
![](https://smartakhabar.com/wp-content/uploads/2024/06/new-palika-jingle-rgb-1.jpg)
भीरकोटको बयरघारीमा महिला तथा बालबालिका र पिछडिएका वर्गको उत्थानका लागी नवयुग भीरकोट संस्थाको स्थापना गरिएको छ । महिलाहरुलाई आर्थिक रुपमा सक्षम बनाउने, बालमैत्री भीरकोटको कार्यान्वयनका लागी बालसहभागितामा जोड दिने, पछडिएका वर्गलाई मुल प्रवाहमा ल्याउने, बृद्धबृद्धा र आपंगाता भएकाहरुको जीवनलाई सरल र सहज बनाउने उद्देश्यले संस्थाको स्थापना गरिएको संस्थाकी अध्यक्ष सुनिता उच्चै ठकुरीले जानकारी दिइन्।
![](https://smartakhabar.com/wp-content/uploads/2024/06/janahit_dengue-1.jpg)
महिलाहरुलाई आर्थिक उपार्जनसंँग जोड्ने र आर्थिक रुपमा आत्मनिर्भर बनाउनका लागी यो संस्थाले वडा, स्थानीय तह तथा सरोकारवालासंग समन्वय गरी सिपमुलक तालिम संचालन गर्ने, महिलाहरुलाई व्यवसायिक बनाउनेलगायतका कार्य गर्ने योजना रहेको अध्यक्ष ठकुरीले बताइन्।
![](https://smartakhabar.com/wp-content/uploads/2023/06/smart-link_sano.gif)
![](https://smartakhabar.com/wp-content/uploads/2023/06/ad-janahit.jpg)
![](https://smartakhabar.com/wp-content/uploads/2022/09/best-nepal.gif)
संस्थाको शनिबार भीरकोट नगरप्रमुख गोविन्दकुमार कर्माचार्यले उद्दघाटन गरे । संस्थाको उद्दघाटन गर्दै नगरप्रमुख कर्माचार्यले संस्थाको उद्देश्य र लक्ष्य पुरा गर्नका लागी नगरले पनि समन्वय गर्ने भन्दै भीरकोटको विकासका लागी यस्तै सामाजिक संघसंस्था र नगरबासीको साथ आवश्यक रहने बताए । सामाजिक र रचनात्मक काम गर्ने उद्देश्यका साथ संघसंस्था तथा क्लब आमा समुह र समग्र नगरबासीको साथले मात्रै भीरकोटलाई विकासको गतिमा बढाउन सकिने भएकाले राम्रा र स्वच्छ उद्देश्य राखेर स्थापना गरिएका संस्थासंग नगरले सँधै सहकार्य गर्ने नगरप्रमुख कर्माचार्यले बताए ।
![](https://smartakhabar.com/wp-content/uploads/2023/03/wlink_ad.gif)
कार्यक्रममा उपप्रमुख भगवती अर्याल, नगरप्रवक्ता दिपेन्द्र केसी, वडा नं. २ का अध्यक्ष श्यामकाजी अधिकारी, उद्योग वाणिज्य संघ भीरकोटका अध्यक्ष जगदिश कोइराला, वनं. ५ का निर्वतमान वडा अध्यक्ष यामप्रसाद अधिकारी, समाजसेवी रमेश पौडेललगायतले बोलेका थिए ।