जन्म दिनको अवसरमा पराजुलीद्वारा बालबालिकाको स्वास्थ्य बीमा
चैत ०६, २०७८
स्मार्ट अखबार संवाददाता
६ फागुन २०७८, वालिङ
वालिङ नगरपालिकाका युवा समाजसेवी एवं वालिङ युवा संघका अध्यक्ष नेता विवेक पराजुलीले आफ्नो जन्म दिनमा ३७ जना बालबालिकाको स्वास्थ्य बीमा गरिदिनुभएको छ।
पराजुलीले फेदीखोलामा गाउँपालिकामा रहेको अमोर सेवा नेपाल बालगृहका २७ जना बालबालिका र वालिङमा रहेको भुम्रे माध्यमिक विद्यालयमा अध्ययनरत फरक क्षमता भएका १० जनालाई गरि ३७ जना बालबालिकाहरुको स्वास्थ्य बीमा गरिदिनुभएको हो ।त्यसैगरि पराजुलीले आफ्ना अगाडिका जन्मदिनहरुमा पनि दु:खी, गरिब विपन्न परिवारलाई सहयोग गरेर मनाउने गर्नुहुन्थ्यो।
साथै कोरोना महामारीको बेला पनि पराजुलीले कोरोना संक्रमितहरुलाई आफ्नै गाडी प्रयोग गरेर अस्पताल लैजान र विपन्न परिवारलाई राहत वितरण गर्नुभएको थियो।
