भदौ १०-१२ सम्म अधिक वर्षाको पुर्वानुमान: सतर्कता अपनाउन अनुरोध।
भदौ १०, २०७८
भदौ १०, भीरकोट खबर डेस्क
मौसम पूर्वानुमान महाशाखाले यहि भदौ १०-१२ गते सम्म तीन दिन भारी वर्षा हुने जनाएको छ। गण्डकी प्रदेशमा पनि अत्याधिक वर्षाको सम्भावना रहेकाले राष्ट्रिय विपद् जोखिम न्यूनीकरण तथा व्यवस्थापन प्राधिकरणले सतर्कता अपनाउन अनुरोध गरेको छ।
पहाडी भिरालो भूभाग र नदि किनार आसपासका सबैलाई उच्च सतर्कता अपनाउन र विपद् आइपरे जिल्ला विपद् व्यवस्थापन समिती, सम्बन्धित स्थानीय निकाय र सुरक्षा निकायलाई तत्काल जानकारी गराउन अनुरोध गरेको छ।
आँधीखोलाको किनार आसपास बसोबास गर्ने एवं जोखिम युक्त भूबनोट भएको ठाउँमा बसोबास गर्ने र भूकम्पको कारण कमजोर बनेका घरहरूमा बसोबास गर्ने सम्पूर्ण भीरकोटबासी एवं स्याङ्जा जिल्लाबासीहरूलाई उच्च सतर्कता अपनाउनुहुन भीरकोट खबर हार्दिक अनुरोध गर्दछ ।
