पृथ्वी जयन्तीको अवसरमा वक्तृत्वकला
पुष २७, २०८०
विश्व हिन्दु युवा संघ स्याङ्जाले पृथ्वी जयन्ती एवम् राष्ट्रिय एकता दिवसको अवसरमा वक्तृत्वकला कार्यक्रम सम्पन्न गरेको छ। “नेपाल एकीकरणमा पृथ्वीनारायण शाहको भुमिका ” विषयक वक्तृत्वकला कार्यक्रम भीरकोट नगरपालिकको छायाछेत्र मन्दिरमा सम्पन्न भएको हो।
विश्व हिन्दु युवा संघ स्याङ्जाका जिल्ला अध्यक्ष नबराज पौडेलको अध्यक्षता र भीरकोट नगरपालिकाका नगर प्रवक्ता दिपेन्द्र के.सी. को प्रमुख आतिथ्यतामा सम्पन्न भएको कार्यक्रममा भीरकोट र वालिङका जनप्रतिनिधिहरूको समेत सहभागिता रहेको थियो।
