फेरि बढ्यो पेट्रोलियम पदार्थको मूल्य
माघ १८, २०७८
१८ माघ २०७८
नेपाल आयल निगमले फेरि बढ्यो पेट्रोलियम पदार्थको मूल्य वृद्धि गरेको छ। निगमले डिजेल, पेट्रोल र मट्टितेलको मूल्य आज राति १२ बजेदेखि लागू हुने गरी बढाएको हो।
नयाँ मूल्य अनुसार प्रतिलिटर तीन/तीन रुपैयाँ बढेर अब पेट्रोल प्रतिलिटर १४२ रुपैयाँ पुगेको छ भने डिजेल र मट्टितेल १२५ रूपैयाँ पुगेको छ। हवाई इन्धन आन्तरिकतर्फ प्रतिलिटर १० रूपैयाँ र अन्तर्राष्ट्रियतर्फ प्रतिकिलोलिटर १०० अमेरिकी डलर बढाइएको छ।एल .पि. ग्यासको मूल्य भने यथावत राखेको निगमले जनाएको छ। मूल्य वृद्धि हुँदा समेत प्रति महिना ४.५ अर्ब देखि ५ अर्ब ऋढ लिनुपर्ने बाध्यात्मक अवस्था बनेको निगमले जनाएको छ। यस भन्दा अगाडि माघ ५ गते पनि निगमले मूल्य समायोजन गरेको भन्दै मूल्य वृद्धि गरेको थियो।
