वालिङमा प्रिमियर सेक्युरिटिजको नयाँ शाखा
![](https://smartakhabar.com/wp-content/uploads/2023/09/premier-1024x768.jpg)
स्मार्ट संवाददाता,
स्याङ्जा २२ भाद्र २०८०
![](https://smartakhabar.com/wp-content/uploads/2024/06/new-palika-jingle-rgb-1.jpg)
प्रीमियर सेक्युरिटीजले शाखा विस्तारको अनुमति पाएसँगै स्याङ्जाको व्यस्त बजार वालिङमा शाखा विस्तार गरेको छ। प्रीमियर सेक्युरिटिज कं.लि.(ब्रोकर नम्बर ३२) लाई वालिङ तथा आसपासका क्षेत्रमा सेयर खरिद बिक्री गर्नका लागि ब्रोकरको शाखा स्थापना गर्न नेपाल धितोपत्र बोर्डले अनुमति दिएको थियो।
![](https://smartakhabar.com/wp-content/uploads/2024/06/janahit_dengue-1.jpg)
वालिङ नगरपालिका वडा नं ८, भी.आइ.पी टोलमा शाखा विस्तार गरेपछि नयाँ लगानीकर्ताहरुको आवतजावत बढ्न थालेको छ । शाखामा डिम्याट खाता खोल्ने, लगानीकर्ताले ब्रोकर आइडी खोल्ने, अनलाइनबाट कारोबार गर्न टिएमएसका लागि आउने गरेको शाखा प्रमुख सुरेश खनालले बताए।
![](https://smartakhabar.com/wp-content/uploads/2023/03/wlink_ad.gif)
प्रीमियर सेक्युरिटीजको यो शाखाले शेयर बजारलाई स्याङ्जाली जनताको पहुँचमा पुर्याउन निकट भविष्यमा शेयर बजार शिक्षासम्बन्धी अभियान सञ्चालन पनि गर्ने जनाएको छ । पछिल्लो समयमा धितोपत्र बजारमा लगानीकर्ताको चासो र संख्या बढेपनि वालिङ क्षेत्रमा सेयर बजारको कुनै पनि संस्था नभएकोले धितोपत्र बोर्ड, स्टक एक्सेंजमा निवेदन दिएर कम्पनीले शाखा विस्तार गरेको अध्यक्ष रवीन्द्र प्रसाद न्युछे प्रधानले बताएका छन्।
![](https://smartakhabar.com/wp-content/uploads/2023/06/smart-link_sano.gif)
![](https://smartakhabar.com/wp-content/uploads/2024/05/smart_link_80081.gif)
आज सम्पन्न उद्घाटन समारोहमा प्रमुख अतिथि रुपमा रहेका गण्डकी प्रदेशका माननीय सांसद भोजराज अर्यालले भने “मैले घरमै बसर अनलाइनको माध्यमबाट सेयरमा कारोबार गर्नेले नसोचेको प्रगति भएको देखेको छु। सेयरको कारोबारले लगानी गर्ने विकल्प दिएको छ, विदेशमा बसेर काम गर्ने मान्छेले समेत लगानी गर्न तथा सेयर मार्फत पुँजी आर्जन गर्न सक्ने भएको छ । सेयरको कारोबारले आर्थिक अवस्थालाई क्रमिक रुपमा सुधार गरेर लैजान सकिने अवस्था बनेको छ।वालिङमा ब्रोकर अफिसको आगमन संँगै वित्तीय क्षेत्रमा सिर्जना भएको खाडल पुर्न यस संस्था सफल रहने कुरा व्यक्त गरे।
![](https://smartakhabar.com/wp-content/uploads/2022/09/received_610050920760856.gif)
![](https://smartakhabar.com/wp-content/uploads/2024/05/new-ad-smart-1.jpg)
कार्यक्रमा वालिङ नगरपालिका वडा नं ८ का वडा अध्यक्ष दामोदर तिवारी, उद्योग वाणिज्य संघका प्रतिनिधी, बैंक तथा वित्तीय सहकारी संस्थाका प्रतिनिधि, राजनीतिक दलका प्रतिनिधि, जनप्रतिनिधि, संचालक सदस्यहरु, ग्राहक तथा सर्वसाधारणहरुको उपस्थिति रहेको थियो।
![](https://smartakhabar.com/wp-content/uploads/2023/01/jayalaxmi-tiff.gif)
हालसम्म स्याङ्जाका लगानीकर्ताले सेयर खरिद बिक्रीका लागि काठमाण्डौ, पोखरा जानुपर्ने बाध्यता रहेको थियो। यस अघि वालिङमा कुनै पनि ब्रोकर अफिसको कार्यालय थिएन। पछिल्लो समय प्राथमिक सेयर (आइपिओ) र दोस्रो बजारमा खेल्ने समेत ठूलो संख्यामा लगानीकर्ता स्याङ्जामा रहेका छन् । एउटै लगानीकर्ताले वार्षिक करोडौं शेयर बजारमा लगानी गर्ने, नयाँ लगानीकर्ता र सेयर बजारका बारेमा चासो राख्नेहरुको संख्या धेरै भएको बेलामा वालिङमै ब्रोकरको शाखा खुलेपछि लगानीकर्तालाई राहत मिलेको छ।