स्याङ्जामा ४० हजार भन्दा बढीको अवैध कपडा बरामद
भदौ ०४, २०८०
४ भदौ २०८०, स्याङ्जा
स्याङ्जाको गल्याङ नगरपालिकाबाट प्रहरीले अवैध कपडा बरामद गरेको छ ।अस्थायी प्रहरी पोष्ट राम्दीबाट खटिएको प्रहरी टोलीले बुटवलबाट गल्याङतर्फ आउँदै गरेको ग १ ख ३८५४ नम्बरको हाईस चेकजाँच गर्ने क्रममा गल्याङ नगरपालिका १ राम्दीबाट प्रहरीले अवैध कपडा बरामद गरेको हो। जयपुरी पातलो कुर्ता ३० थान, बाक्लो कुर्ता २० थान र सुती साडी २० थान गरी जम्मा ७० थान अवैध कपडा बरामद गरिएको जिल्ला प्रहरी कार्यालय स्याङ्जाले बताएको छ ।७० थान कपडाको अन्दाजी मुल्य रु ४४ हजार रहेको प्रहरीले बताएको छ ।
नवलपरासी सुनौल नगरपालिका २ मुखियाटोल बस्ने अजय गुप्ताले अवैध रुपमा ल्याउदैँ गरेको कपडा बरामद गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक रविन्द्र खनालले जानकारी दिनुभयो ।प्रहरीले कपडाधनी गुप्तालाई नियन्त्रणमा लिई आवश्यक अनुसन्धान गरिरहेको छ ।
