चाडपर्वको यात्रा सुरक्षित बनाउन यात्रु सहायता कक्षको स्थापना
असोज २६, २०८०
स्मार्ट सम्वाददाता, स्याङ्जा
२६ असोज २०८० , शुक्रबार
६८ औं प्रहरी दिवसको अवसर पारेर चाडपर्वको समयमा हुनसक्ने सम्भावित सवारी दुर्घटना न्यूनिकरण गर्ने उद्धेश्यले जिल्ला ट्राफिक प्रहरी स्याङ्जाले जिल्लाको चार स्थानमा यात्रु सहायता कक्षको स्थापना गरेको छ ।
सिद्धार्थ राजमार्ग तथा जिल्लाका ग्रामिण सडकमा यात्रा गर्ने यात्रुहरूको सहजता र सुरक्षालाई ध्यानमा राखी फेदीखोला, पुतलीबजार, वालिङ र गल्याङ गरि चार ठाँउमा आजदेखि यात्रु सहायता कक्ष स्थापना गरी संचालनमा ल्याइएको जिल्ला ट्राफिक कार्यालय स्याङ्जाका प्रमुख प्रविण आचार्यले जानकारी दिए ।
जिल्ला सदरमुकाममा आयोजित एक औपचारिक कार्यक्रमकाबिच सहायक प्रमुख जिल्ला अधिकारी दिपक पौडेलले यात्रु सहायता कक्षको उद्घाटन गरेका हुन् l कार्यक्रममा बोल्दै सहायक प्रमुख जिल्ला अधिकारी पौडेलले यात्रालाई सुरक्षित बनाउनु प्रहरी, यात्रु र प्रशासनको साझा दायित्व भएको बताउँदै सबैले आफ्नो कर्तव्य पालना गर्नुपर्ने कुरामा जोड दिएका थिए l
