राष्ट्रिय सभा निर्वाचन : गण्डकी प्रदेश गठबन्धनको पोल्टामा
माघ १२, २०७८
१२ माघ २०७८,पोखरा
गण्डकी प्रदेशमा आज भएको राष्ट्रिय सभा निर्वाचनको नतिजा गठबन्धनका सरकारका मुख्य घटक नेपाली कांग्रेस र नेकपा (माओवादी केन्द्र)को पोल्टामा परेको छ।
बुधबार भएको निर्वाचनमा सत्तारुढ गठबन्धनबाट नेपाली कांग्रेसकी कमला पन्त तथा माओवादी केन्द्रका सुरेश आलेमगर र भुवनबहादुर सुनार निर्वाचित हुनुभएको छ।महिलातर्फ पन्तले ३ हजार ८४ मतभार प्राप्त गर्नुभएको थियो। उहाँकी प्रतिद्वन्द्वी एमालेकी लीला पोखरेल थनेतले २ हजार ७२४ मतभार प्राप्त गर्नुभएको थियो।दलिततर्फ निर्वाचित सुनारले ३ हजार ३० मतभार र उहाँका प्रतिद्वन्द्वी एमालेका अर्जुनकुमार सुनामले २ हजार ७२४ मतभार प्राप्त गर्नुभयो।यसैगरी अन्यतर्फबाट निर्वाचित माओवादीका आलेमगरले ३ हजार ९६ मतभार प्राप्त गर्नुभयो उहाँका प्रतिद्वन्द्वी एमालेका पुण्यप्रसाद पौडेलले २ हजार ६९४ मतभार प्राप्त गर्नुभएको थियो।
