स्याङ्जामा निर्वाचनको तयारी अन्तिम चरणमा
![](https://smartakhabar.com/wp-content/uploads/2022/05/received_531522941835494-1024x465.jpeg)
२४ बैशाख २०७९, स्याङ्जा
युवराज पौडेल
![](https://smartakhabar.com/wp-content/uploads/2024/06/new-palika-jingle-rgb-1.jpg)
आगामी वैशाख ३० गते हुने स्थानीय निर्वाचनका लागि आवश्यक तयारी अन्तिम चरणमा पुगेको स्याङ्जाका मुख्य निर्वाचन अधिकृत तथा जिल्ला न्यायधीश वसन्तराज पौडेलले बताउनु भएको छ ।
![](https://smartakhabar.com/wp-content/uploads/2024/06/janahit_dengue-1.jpg)
![](https://smartakhabar.com/wp-content/uploads/2023/03/wlink_ad.gif)
स्याङ्जा जिल्लाका ११ वटा पालिका ३१८ वटा मतदान केन्द्र र १९९ वटा मतदान स्थलमा निर्वाचनसँग सम्बन्धित सामग्री र जनशक्ति लगायतको तयारी भइराखेको उहाँले जानकारी दिनुभयो ।
![](https://smartakhabar.com/wp-content/uploads/2024/05/smart_link_80081.gif)
‘जिल्ला निर्वाचन कार्यालयबाट निर्वाचन सामग्रीको तयारी भइरहेको छ । मुख्य निर्वाचन अधिकृतको कार्यालयबाट मतपत्र र जनशक्ति व्यवस्थापन गर्ने काम भइरहेको छ ।’ पौडेलले बताउनुभयो । उहाँका अनुसार मतपत्रको तयारी सकिइसकेको र निर्वाचनका खटिने अधिकृतहरुलाई तालिम शुक्रबारबाट सञ्चालन भएको छ । शनिबार तालिम सम्पन्न हुने उहाँले बताउनुभयो ।
![](https://smartakhabar.com/wp-content/uploads/2024/05/new-ad-smart-1.jpg)
तालिममा सहभागी अधिकृतहरुलाई मुख्य निर्वाचन अधिकृत पौडेलले संयमी र अनुशासित भएर आआफ्नो जिम्मेवारीमा लाग्न सुझाव दिँदै निर्वाचन स्वतन्त्र, निष्पक्ष र भयरहित वातावरणमा सम्पन्न गर्न सबैले आआफ्नो जिम्मेवारीलाई गहन रुपमा पुरा गर्नुपर्ने बताउनुभयो । प्रमुख जिल्ला अधिकारी राजुप्रसाद पौडेलले तालिममा सहभागीहरुलाई प्रशिक्षण दिँदै जिल्लामा सबै सुरक्षा संयन्त्रको प्रभावकारी परिचालन भएकाले ढुक्क भएर काममा लाग्न सुझाव दिनुभयो ।
![](https://smartakhabar.com/wp-content/uploads/2023/01/jayalaxmi-tiff.gif)
जिल्ला निर्वाचन कार्यालय स्याङ्जाका प्रमुख गुरुप्रसाद मरासिनीले सहभागीलाई निर्वाचन सुरुदेखि मतगणना सम्पन्न गर्नेसम्मका विधि, प्रक्रियाका बारेमा प्रशिक्षण दिइने बताउनुभयो ।