आँधीखोलाको ओहियामा बृहत् निःशुल्क स्वास्थ्य शिविर
बैशाख ०५, २०८१
![](https://smartakhabar.com/wp-content/uploads/2024/04/charak-ohiya-1.jpg)
राम बहादुर रोकाहा, स्याङ्गजा
५ वैशाख २०८१
स्याङ्जाको आँधीखोला गाउँपालिका वडा नं. २ ओहियामा सञ्चालित निःशुल्क स्वास्थ्य शिविरबाट डेढ सय बढी लाभान्वित भएका छन् ।
स्थानीय प्रगतिशील युवा क्लबको आयोजनामा सोमबार भएको शिविरमा सम्पूर्ण चिकित्सकीय सुविधा र औषधिको प्राविधिक सहयोग पोखरा नागढुंगा स्थित चरक मेमोरियल हस्पिटलले गरेको थियो ।
![](https://smartakhabar.com/wp-content/uploads/2024/06/new-palika-jingle-rgb-1.jpg)
चरकले यसअघि दर्जनौँ स्थानमा आयोजित स्वास्थ्य शिविरमा प्राविधिक सहयोग गरिसकेको छ । गण्डकी प्रदेश अन्तर्गत कास्कीसँगै गोरखा, म्याग्दी, बागलुङ लगायतका स्थानमा पनि पूर्ण निःशुल्क सेवा सहितको प्राविधिक सहयोग गरिसकेको प्रबन्ध निर्देशक कपिल पोखरेलले जानकारी दिए ।
![](https://smartakhabar.com/wp-content/uploads/2024/06/janahit_dengue-1.jpg)
ओहियामा सञ्चालित शिविरमा २०० बढीको स्वास्थ्य जाँच गरिएको पिआरओ सोबित सुवेदीले जानकारी दिए ।
वृहत शिविरमा प्रजनन स्वास्थ्य समस्या सम्बन्धी, पाठेघरको भिडियो एक्सरे, पाठेघर तथा स्तन क्यान्सर सहित स्त्री रोग सेवा, जनरल फिजिसियन, यूएसजी सेवा प्रदान गरिएको थियो ।
![](https://smartakhabar.com/wp-content/uploads/2023/06/smart-link_sano.gif)