प्रथम गल्याङ कपको उपाधि स्याङ्जालाई
बैशाख ०९, २०८१
![](https://smartakhabar.com/wp-content/uploads/2024/04/Syangja-final-1024x576-2.jpg)
राम बहादुर रोकाहा
९ वैशाख २०८१
प्रथम गल्याङ कपको उपाधि स्याङ्जाले जितेको छ । गल्याङ उद्योग वाणिज्य संघको आयोजित तेस्रो गल्याङ औद्योगिक, व्यापार तथा कृषि महोत्सवको अवसरमा आमन्त्रित जिल्ला स्तरीय पुरुष भलिबल प्रतियोगिताको गरिएको थियो ।
स्याङ्जाले पर्वतलाई ३-२ को सेटमा २५-१८, १८–२५, २१-२५, २५-१४ र १५–९ अङ्कले पराजित गर्दै उपाधि जितेको हो । उपाधि जितेसङ्गै स्याङ्जाले एक लाख ५० हजार नगदसहित ट्रफी, मेडल र प्रमाणपत्र हात पारेको हो । उपविजेता पर्वतले भने ट्रफी, मेडल र प्रमाणपत्रसहित एक लाख रुपैयाँमा चित्त बुझाएको हो ।
![](https://smartakhabar.com/wp-content/uploads/2024/06/new-palika-jingle-rgb-1.jpg)
गल्याङ नगरपालिका-३ तल्लो गल्याङ खेलमैदानमा भएको उक्त प्रतियोगितामा पाल्पाले नवलपुरलाई ३–१ को सेटमा पराजित गर्दै तृतीय भएको हो । पाल्पाले नवलपुरलाई २५–२२, २५–२०, २०-२५ र २५–२२ अङकले पराजीत गरेको हो ।
![](https://smartakhabar.com/wp-content/uploads/2024/06/janahit_dengue-1.jpg)
प्रतियोगितामा तृतीय भएको पाल्पाले ५० हजार र सान्त्वना नवलपुरले २५ हजार नगदसहित ट्रफी, मेडल र प्रमाणपत्र पाएको हो ।
प्रतियोगितामा उत्कृष्ट खेलाडी सन्जु बिक्रम शाह(स्याङ्जा), उत्कृष्ट स्पाइकर विष्णु क्षेत्री(पर्वत), उत्कृष्ट सेटर सुवास कुवँर(पर्वत), उत्कृष्ट ब्लकर उमेश सेन्चुरी(स्याङ्जा), उत्कृष्ट कुईकर रुपेन्द्र गैर्हे(पर्वत), उत्कृष्ट सर्भर सुदिप राना(स्याङ्जा) र उत्कृष्ट प्रशिक्षक अमृत केसी(स्याङ्जा)लाई ट्रफी सहित पुरस्कृत गरिएको खेल संयोजक विशाल थापाले बताए ।
![](https://smartakhabar.com/wp-content/uploads/2023/03/wlink_ad.gif)