सडक स्तरोन्नतिलाई प्राथमिकता
माघ १०, २०८०
भीरकोट नगरपालिकामा ग्रामीण सडक विस्तार र स्तरोन्नतिलाई प्राथमिकता दिन थालिएको छ। भरपर्दो सडकमार्ग नहुँदा दैनिक आवतजावतमा मात्रै नभएर पर्यटन प्रवर्धनमा समेत नागरिकले कठिनाई भोग्दै आएका थिए। धार्मिक, सांस्कृतिक तथा साहसिक पर्यटनको प्रचुर सम्भावना भएपनि ग्रामीण सडक सहज नहुँदा पर्यटकीय गतिविधि ओझेलमा पर्दै आएका थिए। तर सडक स्तरोन्नति र विस्तारले प्राथमिकता पाउन थालेपछि ग्रामीण यात्रा सहज बन्दै गएको नागरिकको अनुभव छ।
पालिकाको सबैभन्दा ठूलो वडा ८ नं वडामा अघिल्लो जनप्रतिनिधिको पालमा अपेक्षित विकास हुन सकेको थिएन। तर २०७९ को निर्वाचनपछि वडा अध्यक्ष निर्वाचित भएका नन्दलाल खनालको चतुर्याइँ र जिम्मेवारीबोधले वडामा विकासका पूर्वाधारले राम्रो फड्को मारेका छ्न्। पालिकाको पहिलो हेलिप्याडको निर्माण र सफल परीक्षण पनि ८ नं मा नै भएको थियो।
