नेकपा एमाले स्याङ्जाको ९३ वडामा अधिवेशन सम्पन्न
कार्तिक ०७, २०७८
भीरकोट खबर डेस्क, ७ कार्तिक २०७८
नेपाल कम्युनिस्ट पार्टी एमालेको वडा अधिवेशन सम्पन्न भएको छ।नेकपा एमालेका जिल्ला अध्यक्ष सूर्य प्रसाद गैह्रे पारसका अनुसार स्याङ्जा जिल्लाका ९७ वटा वडा मध्ये ९३ वटा वडाको अधिवेशन सभ्य र सर्वसम्मत रुपमा सम्पन्न भएको छ। उहाँका अनुसार चापाकोटमा १, बिरुवामा १ र गल्याङमा २ गरि बाँकी ४ वटा वडामा अधिवेशनको प्रकृया जारी रहेको छ ।
भीरकोट नगरपालिका अन्तर्गतका ९ वटै वडामा पनि सभ्य र सर्वसम्मत तरिकाले वडा कमिटिहरू गठन भएका छ्न्। नेकपा एमाले भीरकोटका अध्यक्ष विश्वनाथ अर्यालका अनुसार विधान महाधिवेशनवेशनमा तोकिएको कार्यविधी अनुसार वडा कमिटी र नगर अधिवेशनका लागि प्रतिनिधिहरू पनि सर्वसम्मत तरिकाले निर्वाचित भएका छ्न्।अर्यालका अनुसार वडा नं १ मा भगवान के.सी, वडा नं २ मा सीता अधिकारी, वडा नं ३ मा भोज बहादुर खत्री, वडा नं ४ मा मेघनारायण ढुंगाना , वडा नं ५ मा सुर्य चर्माकार , वडा नं ६ मा छबिलाल बि.क. , वडा नं ७ मा विकास गुरूङ, वडा नं ८ मा चोक बहादुर गुरुङ र वडा नं ९ मा चोक बहादुर गुरुङ वडा कमिटिको अध्यक्षमा सर्वसम्मत निर्वाचित हुनुभएको छ।पार्टीको गाउँ/ नगर अधिवेशन यहि कार्तिक ९ गते हुने पार्टीले जनाएको छ।वडा अधिवेशनबाट निर्वाचित २१६ जना प्रतिनिधि र नगर कमिटिमा हाल रहेका ८१ जना प्रतिनिधिहरूको भेलाले नगर कमिटीको निर्वाचनम भाग लिने नगर कमिटी अध्यक्ष अर्यालले जानकारी दिनुभयो।
