नेकपा एमालेको अध्यक्षमा अर्याल सर्वसम्मत निर्वाचित
कार्तिक ०९, २०७८
भीरकोट खबर डेस्क, ९ कार्तिक २०७८
नेकपा एमालेको प्रथम भीरकोट नगर अधिवेशन सभ्य र भव्य रुपमा सम्पन्न भएको छ।अधिवेशनबाट विश्वनाथ अर्याल नेकपा एमालेको भीरकोट नगर कमिटी अध्यक्षमा सर्वसम्मत निर्वाचित हुनुभएको छ।
देशमा संघीयता कार्यान्वयन र पार्टीको विधान महाधिवेशन पछिको पहिलो पार्टी अधिवेशन भएकाले पार्टीले अहिलेको अधिवेशनलाई प्रथम अधिवेशन भनेको हो।तमु समाज भवनमा आज सम्पन्न भएको नगर अधिवेशनले उपाध्यक्षमा मिठु अधिकारी सचिवमा गोकुल अधिकारी, सहसचिवमा पर्वत खाम्चा मगर र केशरजंग अधिकारी सर्वसम्मत निर्वाचित गरेको राष्ट्रिय युवा संघ भीरकोटका अध्यक्ष मोहम्मद जुमाल अलिले जानकारी दिनुभयो।उहाँका अनुसार आजको नगर अधिवेशनले ७५ सदस्यीय नगर कमिटी सर्वसम्मत निर्वाचित गरेको छ।
