आँधिखोलामा एमालेको मनोनयन दर्ता
बैशाख ११, २०७९
११ वैशाख २०७८
नेकपा एमालेको तर्फबाट आँधिखोला गाउँपालिकाका उम्मेदवारले आज मनोनयन दर्ता गराउनुभएको छ । यही वैशाख ३० गते हुने स्थानीय तहको निर्वाचनको लागि एमालेको तर्फबाट छनोटभएका उम्मेदवारहरु निर्वाचन अधिकृतको कार्यालय आँधिखोला गाउँपालिका कृषिमा पुगेर गाउँपालिकाको अध्यक्ष, उपाध्यक्ष सहित ६ ओटै वडाका वडा अध्यक्ष, महिला सदस्य, दलित महिला सदस्य र खुला सदस्य गरी ३२ पदमा मनोनयन दर्ता गराउनुभएको हो।
एमालेले गाउँपालिकाको अध्यक्षमा विश्वनाथ पौडेल र उपाध्यक्षमा सीता थापालाई उम्मेदवार बनाएको थियो । पार्टी कार्यकर्ता सहित निर्वाचन अधिकृतको कार्यालय पुगेर अध्यक्षका उम्मेदवार विश्वनाथ पौडेल र उपाध्यक्षका उम्मेदवार सीता थापाले उम्मेदवारी दर्ता गराउनुभएको हो।
२०७४ सालको स्थानीय चुनावमा शतप्रतिशत जित निकालेको नेकपा एमालेले यो चुनावमा पनि सोही नतिजा दोहोर्याएर अघिल्लो कार्यकालमा शुरु भएका आँधिखोलाबासीका सपनाहरु पूरा गर्दै युवालाई प्रविधि संँगसगै उद्यमशील र स्वरोजगार बनाउने योजना रहेको अध्यक्षका उम्मेदवार विश्वनाथ पौडेलले बताउनुभयो ।
अध्यक्ष उम्मेदवार विश्वनाथ पौडेल नेकपा एमाले स्याङ्जा जिल्ला कमिटीका उपसचिव हुनुहुन्छ भने उपाध्यक्ष उम्मेदवार सीता थापा नेकपा एमाले जिल्ला कमिटी स्याङ्जाकी सदस्य हुनुहुन्छ।
