सहकारी अभियानलाई मजबुत बनाउने प्रतिबद्धता
चैत २१, २०८०
२१ चैत्र २०८०, बुधबार
सहकारी अभियानलाई मजबुत बनाउने प्रतिबद्धता सहित भीरकोटमा ६७ औं राष्ट्रिय सहकारी दिवस मनाइएको छ।
भीरकोट सहकारी सघं लि.को आयोजना र भीरकोट न.पा.को समन्वयमा ६७ औं राष्टिय सहकारी दिवस र्याली र अन्तरक्रिया गरी मनाइएको हो। भीरकोट नगरपालिकाको कार्यालय बाट बिहान ११ बजे विभिन्न सहकारी संस्थामा आवद्ध शेयर सदस्य र सहकारीकर्मीहरूले र्याली निकालेका थिए। आँधिखोला सिटिहलमा पुगेर टुङ्गिएको र्यालीमा भीरकोटका जनप्रतिनिधिहरूको समेत उपस्थिति रहेको थियो।
सहकारीकर्मीहरु सहकारी संस्थाको आ–आफ्नो ब्यानरमा सहकारीका विभीन्न नाराहरु सहित र्यालीमा सहभागी भएका थिए। २० भन्दा बढी सहकारी संस्थाहरुको प्रतिनिधत्व भएको सो कार्यक्रममा करिब २ सय भन्दा बढी सहकारीकर्मीहरूको उपस्थिती रहेको थियो।
भीरकोट सहकारी संघका अध्यक्ष तोयनाथ अर्यालको अध्यक्षतामा सिटिहलमा भएको अन्तरक्रिया कार्यक्रममा बोल्ने वक्ताहरूले सहकारीमा रहेका कमीकमजोरी न्यूनीकरण गर्दै सहकारी अभियानलाई मजबुत बनाउने प्रतिबद्धता व्यक्त गरेका थिए। अन्तरक्रिया कार्यक्रममा नगर प्रमुख गोवीन्द कुमार कर्माचार्य, संस्थापक नगर प्रमुख छायाराम खनाल,उपप्रमुख भगवती रेग्मी अर्याल, जिल्ला सहकारी सघंका सचीव मिन प्रसाद कोइराला, वडा अध्यक्षहरू लक्ष्मण खत्री, नन्दुलाल खनाल,भीरकोट उद्योग वाणीज्य सघं का अध्यक्ष जगदिश प्रसाद कोइराला,नेपाली काङ्ग्रेस भीरकोटका सभापती याम प्रसाद अधिकारी लगायतले आफ्नो धारणा राखेका थिए। अन्तरक्रिया कार्यक्रममा उठेका अधिकांश सवालहरूको जवाफ निवर्तमान नगर प्रमुख खनालले दिएका थिए।