भिटामिन ए र जुकाको औषधि कार्तिक ७ र ८ गते खुवाइने
कार्तिक ०२, २०७८
भीरकोट खबर डेस्क,
देशभरिका बालबालिकालाई भिटामिन ‘ए’ र जुकाको औषधी यही कार्तिक ७ र ८ गते खुवाइने भएको छ। भिटामिन ‘ए’ र जुकाको औषधी खुवाइने कार्यक्रम यसअघि कार्तिक ३ र ४ गते गरिदै आएको भएतापनि सो मितिमा दशैं पर्न गएकोले मिति परिवर्तन गरिएको स्वास्थ्य तथा जनसंख्या मन्त्रालयले जनाएको हो । सो दिन ६ देखि ५९ महिनाका बालबालिकालाई भिटामिन ‘ए’ क्याप्सुल र १ देखि ५ वर्षसम्मका बालबालिकालाई जुकाको औषधी दिइने छ।
